អ្នកតាចិនលេងក្បាច់សាហាវៗ ផ្អើលអស់មួយផ្សារអូឫស្សីព្រឹកមិញ

2018-03-02 04:23:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីហែអ្នកតាបានចាប់ផ្ដើមថ្ងៃដំបូងនៅផ្សារអូរឫស្សី កាលព្រឹកមិញនេះ។ អ្នកជាប់សែស្រឡាយចិនរាប់ពាន់នាក់ ដែលបានជឿលើពិធីនេះបានប្រមូលផ្ដុំគ្នាមកមើល និង បានសុំយ័ន ដែលប្រឡាក់ឈាម ក្រោយពីអ្នកតាអារអណ្ដាតហើយផ្ដិតជាប់យ័នយកមកបិតមុខផ្ទះ ដែលមានជំនឿថា ការពារផ្ទះ និង មានសេចក្ដីសុខ។

ផ្សារអូរឫស្សីគឺជាបណ្ដុំអ្នកតាធំមួយដែរ ដូច្នេះហើយរាល់ឆ្នាំ ពិធីនេះបានចាប់ផ្ដើមថ្ងៃដំបូងនៅទីនេះ។ អ្នកជាប់សែស្រឡាយចិនបានត្រៀមធូបទៀន និង ក្រដាសសែន ព្រមទាំងទឹកមន្ត ត្រៀមស្វាគមន៍អ្នកតាដែលដើរត្រួតពិនិត្យតាមផ្ទះ ហើយអ្នកតានឹងជួយប្រោះព្រំដល់ម្ចាស់ផ្ទះឲ្យមានសេចក្ដីសុខ។ ទន្ទឹមនឹងនេះ អ្នកជឿលើពិធីហែអ្នកតា ក៏បានជួយទិញយ័ន ដែលប្រឡាក់ឈាមរបស់អ្នកតា ក្រោយពីអារអណ្ដាតផងដែរ។

មនុស្សរាប់ពាន់នាក់ អមដោយរថយន្តជាច្រើនគ្រឿង ដែលដឹកអ្នកហែហមអ្នកតា បានតម្រៀបជាជួរខាងកើតផ្សារអូរឫស្សី ដែលធ្វើឲ្យចរាចរណ៍បានកកស្ទះចាប់ពីម៉ោង ៧ ព្រឹកមិញ។ ពិធីហែអ្នកតាគឺមានរយៈពេល ៣ ថ្ងៃគិតចាប់ពីថ្ងៃនេះ ដែលផ្ដើមចេញពីម្ដុំផ្សារអូរឫស្សី។

ដូច្នេះសូមទស្សនារូបភាពដូចខាងក្រោមនេះ៖