ព្រឹត្តិការណ៍ប្រវត្តិសាស្រ្ត សំខាន់ៗដែលកូនខ្មែរមិនគួរមើលរំលង

2018-03-03 02:55:51
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយត្រឹមសតវត្សរ៍ទី១៩រហូតមកដល់ពេលនេះប្រទេសកម្ពុជាមានព្រឹត្តិការណ៍ប្រវត្តិសាស្រ្តសំខាន់ៗមួយចំនួនដែលប្រជាពលរដ្ឋខ្មែរគួរតែដឹង និងចងចាំ។ សម្រាប់ព្រឹត្តិការណ៍ខ្លះមិនត្រឹមតែធ្វើឲ្យពលរដ្ឋខ្មែរចងចាំនោះទេ តែ ក៏បានបង្កប់នូវអនុស្សាវរីយ៍ឈឺចាប់ទៀតផង។

១. ឆ្នាំ១៨៦៣៖ បារាំងបានដាក់អាណាព្យាបាលមកលើប្រទេសកម្ពុជា ក្នុងរាជព្រះបាទនរោត្តម។

២. ៩ វិច្ឆិកា ឆ្នាំ១៩៥៣៖ អស់រយៈពេល៩០ឆ្នាំ ក្រោមអាណាព្យាបាលបារាំង ឬឯកសារខ្លះថានៅក្រោមអាណានិគមបារាំង ប្រទេសកម្ពុជាបានប្រកាសជាផ្លូវការនូវឯករាជ្យភាពរបស់ខ្លួន មិនស្ថិតក្រោមការត្រួតត្រាណាមួយរបស់រដ្ឋាភិបាលបារាំង។ របបសង្គមរាស្រ្តនិយមត្រូវបានបង្កើតឡើងនៅឆ្នាំ១៩៥៥ ដោយមានព្រះ មហាវីរៈក្សត្រព្រះបាទនរោត្តមស៊ីហនុ ជាព្រះប្រមុខ។

(មន្ត្រីរាជការកាន់ព្រះឆាយាល័ក្ខណ៍សម្តេចឪ សម្តេចម៉ែ និង ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ កាលពីថ្ងៃទី៩ ខែវិច្ឆិកា ឆ្នាំ២០១៧ ក្នុងទិវារំលឹកខូប៦៤ឆ្នាំកម្ពុជាទទួលបានឯករាជ្យពីបារាំង)

**៣. ១៨ មីនា ឆ្នាំ១៩៧០**៖ មិនដល់២០ឆ្នាំក្រោយទទួលបានឯករាជ្យផង មានព្រឹត្តិការណ៍មួយបានកើតឡើងដោយគេជឿថាមន្ត្រីជំនិតរបស់ព្រះបាទនរោត្តម សីហនុ គឺ លោក សេនាប្រមុខ លន់ នល់ និងសែស្រឡាយរាជវង្ស ព្រះអង្គម្ចាស់ស៊ីសុវត្ថិ សិរីមតៈ ធ្វើរដ្ឋប្រហារទម្លាក់សម្តេចព្រះនរោត្តមស៊ីហនុពីព្រះប្រមុខរដ្ឋ។

៤. ១៨ មេសា ឆ្នាំ១៩៧៥៖ ក្រោយពីមានរដ្ឋប្រហារទម្លាក់សម្តេចព្រះនរោត្តមសីហនុ ពីព្រះប្រមុខរដ្ឋ ប្រទេសកម្ពុជាបានធ្លាក់ទៅក្នុងភ្លើងសង្គ្រាម។ រហូតដល់ថ្ងៃទី១៨ ខែមេសា ឆ្នាំ១៩៧៥ កងទ័ពខ្មែរក្រហមបានចូលកាន់កាប់ទីក្រុងភ្នំពេញ និងគ្រប់គ្រងប្រទេសទាំងមូល។ អ្នករស់នៅទីក្រុង និងទីប្រជុំជននានាត្រូវជម្លៀសទៅកាន់ទីជនបទ ដើម្បីធ្វើស្រែចម្ការ។ អស់រយៈពេល៣ឆ្នាំ ៨ខែ និង២០ថ្ងៃ ក្រោមការដឹកនាំរបស់ររបបខ្មែរក្រហម ប្រជាពលរដ្ឋខ្មែរស្លាប់ដោយសារអត់អាហារ រងទារុណកម្ម និងការកាប់សម្លាប់ប្រហែលជាពីរលាននាក់។

៥. ៧ មករា ឆ្នាំ១៩៧៩៖ កម្ពុជាត្រូវបានរំដោះពីរបបខ្មែរក្រហម តែសង្គ្រាមរវាងខ្មែរនឹងខ្មែរមិនទាន់បញ្ចប់នៅឡើយ។

៦. ២៣ តុលា ឆ្នាំ១៩៩១៖ កិច្ចព្រមព្រៀងសន្តិភាពទីក្រុងប៉ារីស ភាគីខ្មែរស្រុះស្រួលគ្នាស្វែងរកសន្តិភាព និងអនុញ្ញាតឲ្យមានការបោះឆ្នោតនៅឆ្នាំ១៩៩៣។

៧. ១៩៩៣ ដល់២០០៤៖ សម្តេចព្រះនរោត្តមសីហនុ គ្រងរាជសម្បត្តិជាថ្មី។

៨. ២៩ តុលា ឆ្នាំ២០០៤៖ ព្រះករុណាព្រះបាទសម្ដេចព្រះបរមនាថ នរោត្តម សីហមុនី រាជាភិសេកជាព្រះមហាក្សត្រនៃព្រះរាជាណាចក្រកម្ពុជា។

( ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ កម្ពុជា កាលពីថ្ងៃទី៩ ខែវិច្ឆិកា ឆ្នាំ២០១៧ យាងចូលរួមក្នុងទិវារំលឹកខូប៦៤ឆ្នាំកម្ពុជាទទួលបានឯករាជ្យពីបារាំង)

៩. ១៥ តុលា ឆ្នាំ២០១២៖ អតីតព្រះមហាក្សត្រកម្ពុជា សម្តេចព្រះ នរោត្តម សីហនុ យាងសោយទីវង្គត ដោយជរាពាធ នៅមន្ទីរពេទ្យ ទីក្រុងប៉េកាំង ប្រទសចិន៕

អត្ថបទ៖ ទូច សុខា