Mourinho ចង់បានត្រឹមលេខ៤ នៅ Premier League ឲ្យ Man Utd
- 2018-03-03 09:40:32
- ចំនួនមតិ 0 | ចំនួនចែករំលែក 0
Mourinho ចង់បានត្រឹមលេខ៤ នៅ Premier League ឲ្យ Man Utd
ចន្លោះមិនឃើញ
Champions League គឺជាអាទិភាពកំពូលរបស់គ្រូបង្វឹកបិសាចក្រហម ដូចដែល Mourinho មិនឃើញថាវាខុសគ្នាអីនៅត្រង់ចំណាត់ថ្នាក់លេខ ២ ឬ លេខ ៤ សំខាន់ឲ្យតែបានលេងនៅ Champions League។
គ្រូបង្វឹកវ័យ ៥៥ ឆ្នាំសង្ឃឹមថាក្រុម Manchester United អាចរក្សាចំណាត់ថ្នាក់លេខ២ នៅក្របខ័ណ្ឌ Premier League ប៉ុន្តែគំលាតរវាងក្រុមលេខ២ លេខ៣ និង លេខ៤ កំពុងប្រកៀកប្រកិតគ្នាសម្រាប់សប្ដាហ៍ទី២៨នេះ ពោលគឺក្រុមកំពូលតារាង Man City វ៉ាដាច់គេឆ្ងាយមាន ៧៥ពិន្ទុ ក្រុមលេខ២ Man Utd មាន ៥៩ពិន្ទុ ក្រុមលេខ៣ Liverpool មាន ៥៧ពិន្ទុ និង ក្រុមលេខ៤ Spurs មាន ៥៥ពិន្ទុ។
“ប្រសិនបើអ្នកចង់សួរខ្ញុំថាចង់បានលេខ២ ឬ លេខ៤ ខ្ញុំនិយាយ តាមទស្សនៈហិរញ្ញវត្ថុ [មិនថា លេខ២ ឬ លេខ៤] វាគ្មានអីប្លែកគ្នាទេ តាមទស្សនៈកិត្យានុភាព ក៏គ្មានអីប្លែកគ្នាដែរ។ អ្នកអាចទៅលេង Champions League ហើយលេខ៤ អ្នកក៏មិនចាំបាច់លេងវគ្គជម្រុះដែរ។
"ប៉ុន្តែតាមទស្សនៈផ្ទាល់ខ្លួនខ្ញុំ លេខ២ប្រសើរជាងលេខ៣។...ពិតណាស់ ក្រុមកំពូលតារាងទាំង៤ ចំណាត់ថ្នាក់ពិបាកយកខ្លាំងណាស់ ប៉ុន្តែបើយើងអាចបញ្ចប់ត្រឹមចំណាត់ថ្នាក់លេខ២ យើងក៏មិនចង់បានដល់ទៅលេខ៣ដែរ"។ Jose Mourinho បាននិយាយ“។
The Mirror ក៏ទើបបានរាយការណ៍ថា លោក Conte មានការខ្លាចរអា និង ស្ញប់ស្ញែង លោក Guardiola និង Man City ដែលអាចនឹងគ្រងតំណែង Premier League អស់ច្រើនឆ្នាំទៅមុខទៀតរាប់ពីនេះទៅ ព្រោះក្រុមរហ័សនាមពណ៌ផ្ទៃមេឃ មានទាំងគ្រូបង្វឹកល្អ និង ធនធានហិរញ្ញវត្ថុមិនចេះរីងស្ងួត៕