ខាត់ វៃហាំង តម្លៃខ្លួនឡើងខ្ពស់មិនធម្មតា ក្រោយថតរឿងឲ្យផលិតករបរទេស

2018-03-04 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះកំលោះសង្ហា ខាត់ វៃហាំង បានលេចមុខក្នុងខ្សែភាពយន្តភាគ និងខ្នាតធំជាបន្តបន្ទាប់ពិសេសជាមួយផលិតករបរទេស ដោយក្នុង១រឿងលោកទទួលបានតម្លៃខ្លួនខ្ពស់ជាង តារាសម្ដែងវ័យក្មេងរួមជំនាន់ជាមួយគ្នាទៀតផង។

ខាត់ វៃហាំង និងតារាសម្ដែងបរទេស

ខាត់ វៃហាំង បានលើកឡើងថា ថតខ្សែភាពយន្តភាគ និងខ្នាតធំមួយរឿងលោក ទទួលបានតម្លៃខ្លួនចន្លោះពី ៥ ៥០០ ទៅ ៦ ៥០០ ដុល្លារអាមេរិក អាស្រ័យទៅតាមទីតាំងជិតឬឆ្ងាយ ប្រភេទរឿងភាគវែង ឬ ខ្លី ហើយតម្លៃខ្លួនខាងលើលោកមិនមែននិយាយចេញមកឲ្យរួចតែពីមាត់នោះទេ កន្លងមកខ្លួនធ្លាប់ទទួលបានពីផលិតករខ្មែររួចមកហើយកាលពីឆ្នាំ២០១៧។

តួឯកប្រុសក្នុងរឿង "អនុស្សាវរីយ៍ថ្ងៃចូលឆ្នាំ" បានរៀបរាប់ថា៖"បាទបងចាប់ពី ៣០ភាគ ទៅ៤៥ ភាគ ខ្ញុំទទួលបានតម្លៃខ្លួនពី ៥ ៥០០ ទៅ ៦ ៥០០ ហើយតម្លៃនេះសម្រាប់តែថតឲ្យផលិតករខ្មែរទេ តែបើបរទេសខ្ញុំទទួលបានតម្លៃខ្លួនខ្ពស់ជាងហ្នឹង"។

តម្លៃខ្លួនចាប់ពី ៥ ៥០០ ទៅ ៦ ៥០០ ដុល្លារអាមេរិកនេះដែរ ខាត់ វៃហាំង បានឡើងនៅពាក់កណ្ដាលឆ្នាំ ២០១៧ កាលពីឆ្នាំ ២០១៦ លោកទទួលបានតម្លៃខ្លួនចន្លោះពី ៤ ៥០០ ទៅ ៥ ០០០ ដុល្លារអាមេរិកប៉ុណ្ណោះ៕