Kendall Jenner និងឪពុកភេទទី៣ បង្ហាញខ្លួនជាមួយគ្នាកម្របំផុត

2018-03-06 04:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាទូរទស្សន៍ Kendall Jenner និងឪពុករបស់នាង Caitlyn Jenner បានបង្ហាញវត្តមានចូលរួមក្នុងពិធី Vanity Fairs Oscar Party។ ទោះជាយ៉ាងណា តារាស្រីរូបនេះ រួមនឹងឪពុកបង្កើតរបស់នាងមិនមកពិធីនេះជុំគ្នាទេ ហើយក៏មិនបានថតរូបជាមួយគ្នាលើកម្រាលព្រំក្រហមដែរ។

បើតាមវិបសាយ Page Six បានឲ្យដឹងថា តារាស្រីវ័យ ២២ឆ្នាំរូបនេះ ហាក់ដូចជាស្ទាក់ស្ទើរមិនចង់ថតរូបជាមួយឪពុកដែលបានកែភេទរូបនេះទេ។ ប៉ុន្តែមានតែរូបថតមួយសន្លឹកតែប៉ុណ្ណោះ ដែលជារូបដ៏កម្ររបស់តារាស្រីរូបនេះជាមួយឪពុករបស់នាងឈរជាមួយគ្នា ជជែកជាមួយស្ត្រីម្នាក់ទៀត។

គួររម្លឹកដែរថា កាលពីខែមុននេះ នៅពេលដែលកូនស្រីពៅរបស់លោកបានចែកចាយវីដេអូពីកូនស្រី Stormi របស់នាងនោះ លោក Caitlyn មិនបានមានវត្តមានក្នុងវីដេអូនោះទេ ទោះបីលោកជាឪពុកបង្កើតរបស់នាងក៏ដោយ។ រឿងហេតុទំនាក់ទំនងរវាងលោក និងកូនស្រីទាំង២នេះពិតជាក្លាយជាបញ្ហាមួយដែលអ្នកគាំទ្រជាច្រើនមានការខ្វល់ខ្វាយ៕

ចុចអាន៖

ប្រភព៖ Kenh14 ប្រែសម្រួល៖ អន សុភក្ត្រា