មាស វាសនា ជាប់ជម្រើសជាតិដូចបំណង តែស្ដាយមិនសូវមានអ្នកគាំទ្រ
- 2018-03-07 03:01:18
- ចំនួនមតិ 0 | ចំនួនចែករំលែក 0
មាស វាសនា ជាប់ជម្រើសជាតិដូចបំណង តែស្ដាយមិនសូវមានអ្នកគាំទ្រ
ចន្លោះមិនឃើញ
កីឡាករកម្ពស់ខ្ពស់ មាស វាសនា បានជាប់ជម្រើសជាតិបាល់ទះដូចបំណងប្រាថ្នាហើយដែលនេះជាក្តីស្រមៃតាំងពីនៅតូចៗ ប៉ុន្តែអារម្មណ៍សោកស្តាយដែលកីឡានេះមិនសូវមានការគាំទ្រច្រើន។
លេងតួនាទីអ្នកវ៉ៃផ្តាច់ ឬស្មាត់រូបនេះបានឲ្យដឹងថា ខ្លួនចាប់លេងបាល់ទះដំបូងនៅអាយុ១៣ឆ្នាំ។ កាលពីក្មេងគ្មានទីលានលេងទេ ប៉ុន្តែនាំគ្នាចងខ្សែពីបង្គោលមួយទៅបង្គោលមួយលេងតែម្តង។ ការចាប់ផ្ដើមលេងបាល់នេះធ្វើឲ្យរូបគេស្រមៃថា បានជាប់ជ្រើសជាតិនាពេលអនាគត ហើយបំណងប្រាថ្នាបានសម្រេចហើយ។ បច្ចុប្បន្នរូបគេលេងនៅក្លឹបអាជីពក្រសួងមហាផ្ទៃ។
មាស វាសនា មានចំណូលចិត្តលេងបាល់ទះតាំងពីនៅក្មេងៗ និងស្រលាញ់កីឡានេះជាងកីឡាផ្សេងៗ។ អ្វីដែលរូបគេសំណូមពរនោះគឺចង់ឲ្យមានការគាំទ្រច្រើនជាងនេះ ដើម្បីជាកម្លាំងចិត្តដល់កីឡាករគ្រប់រូប។ ពិសេសគឺអ្នកលេងបាល់ទះមិនល្បី ដូចអ្នកលេងបាល់ទាត់ទាល់។
កីឡាករអាយុ២៤ឆ្នាំមកពីខេត្តបន្ទាយមានជ័យ និងកម្ពស់១.៨៩ ម៉ែត្រមានឪពុកឈ្មោះ មាស សុធី ម្ដាយឈ្មោះ ខិន តុល។ រូបគេមានបងប្អូន ៤ រូប ជាកូនទី៣ ក្នុងគ្រួសារ៕