Maycon និយាយអ្វីក្នុងបន្ទប់ប្ដូរសំលៀកបំពាក់មុនការប្រកួត ទើបបឹងកេតខ្លាំងយប់មិញ?
- 2018-03-07 02:02:20
- ចំនួនមតិ 0 | ចំនួនចែករំលែក 0
Maycon និយាយអ្វីក្នុងបន្ទប់ប្ដូរសំលៀកបំពាក់មុនការប្រកួត ទើបបឹងកេតខ្លាំងយប់មិញ?
ចន្លោះមិនឃើញ
ក្រោយជួយក្រុមយកឈ្នះ Home United ៣-២ និងជាប់ជា man of the match ខ្សែបម្រើប្រយុទ្ធរបស់បឹងកេត Rogerio Maycon បានទម្លាយសម្ដីមួយចំនួន ដែលបាននិយាយជាមួយមិត្តរួមក្រុមក្នុងបន្ទប់ផ្លាស់ប្ដូរសំលៀកបំពាក់។
នេះជាជ័យជម្នះលើកទី១ ក្នុងការប្រកួតសន្សំពិន្ទុក្នុងពូល F នៃព្រឹត្តិការណ៍ AFC Cup របស់បឹងកេត។ ក្រោយឈ្នះខ្សែបម្រើឆ្នើមរូបនេះ ទម្លាយសម្ដីមួយចំនួនដែលបាននិយាយទៅកាន់មិត្តរួមក្រុមមុនការប្រកួតក្នុងបន្ទប់ផ្លាស់ប្ដូរសំលៀកបំពាក់ថា «ការប្រកួតយើងលេងមិនមែន ដើម្បីអ្នកណាម្នាក់ គឺលេងដើម្បីក្លឹបរបស់យើង និងលេងដើម្បីប្រទេសរបស់យើង។ យើងត្រូវតែប្រឹងប្រែងទាំងអស់គ្នា គ្រប់វិនាទីនៅលើទីលាន។ ជាចុងក្រោយការប្រកួតរូបគេពិតជាបានឃើញ កីឡាករបឹងកេតទាំងអស់លេងអស់ពីចិត្ត» ។
សូមបញ្ជាក់ថា ព្រឹត្តិការណ៍នេះបឹងកេតស្ថិតនៅបាតតារាងនៃពូល F ដោយមាន ៣ ពិន្ទុស្របពេល Ceres របស់ហ្វីលីពីនមាន ៧ ពិន្ទុនៅកំពូលតារាង Home United របស់សិង្ហបុរីមាន ៤ ពិន្ទុ ខណៈ Shan United របស់មីយ៉ាន់ម៉ាមាន ៣ ពិន្ទុស្មើបឹងកេត៕