ថ្ងៃនេះក្រុមការងារផ្លូវទៅស្រុកវគ្គ២ សូម​បង្ហាញ​មុខរបរ​មួយ​ ដែល​ជាស្នាដៃកូនខ្មែរ ផលិតសាប៊ូលាងចាន កំពុង​ទទួល​បាន​ការគាំទ្រ​ច្រើន​នៅ​ខេត្ត​តាកែវ។ ដូច្នេះ ចង់​ដឹង​ថា ធាតុផ្សំ​នៃ​ការ​ធ្វើ​សាប៊ូលាងចាន ដូចម្ដេច សុំ​អាន​អត្ថបទ ខាងក្រោម​នេះ៖

១. អ្នកស្រី ណឹម ពេជ្រ អាយុ ២៨ឆ្នាំ ជាម្ចាស់សិប្បកម្មសាប៊ូលាងចាង ម៉ាក លេម៉ុន។ អ្នកស្រី ចាប់ផ្តើមផលិតសាប៊ូលាងចាន ដំបូងនៅឆ្នាំ ២០១៦ គឺក្រោយពេលដែលអ្នកស្រីត្រឡប់មកពីប្រទេសថៃវិញ។ នៅឆ្នាំ ២០១៧ អ្នកស្រី បានចុះបញ្ជីសិប្បកម្មរបស់ខ្លួន ដើម្បីធ្វើអាជីវកម្មស្របច្បាប់។

២. វត្ថុធាតុដើមសំខាន់ៗដើម្បីផលិតទឹកសាប៊ូលាងចានមានដូចជា ៖ ក្រូចឆ្នារ អំបិល ស្ករ ល័ក្ខពណ៌ និង មេសាប៊ូ N70 និង ទឹក។ ដំណាក់កាលដំបូង គេត្រូវត្រាំចំណិតក្រូចឆ្នារ ក្នុងទឹកដែលមានលាយស្ករក្នុងបរិមាណកំណត់មួយ រយៈពេល១ខែ។

៣. អ្នកស្រី ណឹម ពេជ្រ កំពុងច្រោះទឹកក្រូចឆ្នារ ដោយយកចំណិតក្រូច ដែលរលួយៗចេញ ក្រោយពេលត្រាំបាន៣០ថ្ងៃ។ បន្ទាប់មក គេត្រូវយកទឹកក្រូចឆ្នារនោះទៅលាយនឹង មេសាប៊ូ N70 អំបិល និង ល័ក្ខ ហើយក្រឡុកឱ្យសព្វ ជាការស្រេច។

៤. នៅក្នុងរោងសិប្បកម្មរបស់ខ្លួន អ្នកស្រី ណឹម ពេជ្រ កំពុងច្រកទឹកសាប៊ូលាងចានដាក់ដប។ ការច្រកដបនេះ ធ្វើឡើងទៅតាមតម្រូវការទីផ្សារ និង អតិថិជន។ ភាគច្រើនអ្នកស្រី ពេជ្រ ច្រកជាប៊ីដុង និងដឹកជញ្ជូនទៅឱ្យអតិថិជនដល់កន្លែងតែម្តង។

៦. ទឹកសាប៊ូលាងចាន របស់អ្នកស្រី ណឹម ពេជ្រ មាន២ប្រភេទ។ ទឹកសាប៊ូនេះ កំពុងដណ្តើមទីផ្សារនៅខេត្តតាកែវ និង នៅរាជធានីភ្នំពេញ។

ចុចអាន៖

• មួយ​ឃ្លា​ទៀត​ហើយ ចង់​ឲ្យ​ទំនិញ​មាន​តម្លៃ​ ត្រូវ​ធ្វើ​រឿង​នេះ​សិន

• អ្នក​ត្បាញ​កន្ត្រក​ធាង​ត្នោត​៖ រកស៊ី​បាន​ចំណូល​តិចក៏ដោយ ក៏ត្រូវ​ធ្វើ​ដោយ​យក​ចិត្ត​ទុកដាក់