Man City និង Spurs រំពឹងជាក្រុមអង់គ្លេសបន្ទាប់ឡើងទៅ UCL វគ្គបន្ត
- 2018-03-07 08:46:47
- ចំនួនមតិ 0 | ចំនួនចែករំលែក 0
Man City និង Spurs រំពឹងជាក្រុមអង់គ្លេសបន្ទាប់ឡើងទៅ UCL វគ្គបន្ត
ចន្លោះមិនឃើញ
Liverpool បានសម្រេចក្ដីបំណងឡើងទៅវគ្គ៨ក្រុមចុងក្រោយ UCL ហើយ ក្រោយឈ្នះ Porto ទាំងពីរជើង ៥-០។ ចំណែកយប់នេះក្រុមអង់គ្លេសពីរទៀតីគឺ Man City និង Spurs ត្រូវឡើងជ្រុញម្ដងនៅម៉ោង២:៤៥នាទីដូចគ្នា។
Spurs ត្រូវបើកកីឡដ្ឋាន Wembley ចាំស្វាគមន៍ជើងខ្លាំងសេះបង្កង់ Juventus។ ក្រុមទាំងពីរកាលពីជើងទីមួយនៅប្រទេសអ៊ីតាលី ត្រឹមតែ៩នាទី Juventus បង្ហាញរឿងដ៏អស្ចារ្យគឺរកបានដល់ទៅ២គ្រាប់ ដោយខ្សែប្រយុទ្ធ Higuain។ តែនេះមិនមែនជារឿងបាក់ទឹកចិត្តរបស់ Spurs ឡើយ ពួកគេប្រឹងលេងវាយបកតាមស្មើវិញដោយ Kane និង Eriksen។
ក្នុងការប្រកួតរាត្រីនេះក្រុមលោក Massimiliano Allegri អាចនឹងយ៉ាប់ព្រោះកីឡាករសំខាន់របួសច្រើនរួមមាន៖ Gonzalo Higuaín (៥០/៥០) ,Carlo Pinsoglio, Mattia De Sciglio, Federico Bernardeschi, Juan Cuadrado និងMario Mandžukić ហើយលេងក្រៅដីទៀត។ ចំណែកខាងក្រុមលោក Mauricio Pochettino មានបញ្ហាកីឡាករតែពីនាក់គត់គឺ Serge Aurier (ជាប់បម្រាម) និង Toby Alderweireld របួស។
ជើងកីឡាករក្រុមទាំងពីរក្រុម៖
Spurs៖ Lloris; Trippier, Sánchez, Vertonghen, Davies; Dier, Dembélé; Son, Alli, Eriksen; Kane
Juventus៖ Buffon; Lichtsteiner, Benatia, Chiellini, Alex Sandro; Khedira, Pjanić, Matuidi; Dybala, Douglas Costa, Higuaín
បែរទៅមួយគូទៀត Man City មិនមានក្ដីបារម្ភអ្វីទេព្រោះជើងទីមួយឈ្នះ ៤-០ Basel ទៅហើយ ស្របពេលយប់នេះលេងក្នុងដីខ្លួនឯងទៀត។ ភាគរយនៃការឡើងរបស់ក្រុមលោក Pep មានខ្ពស់ណាស់ ខណៈកីឡាករកំពុងលេងត្រូវជើងគ្នាល្អ។
បញ្ហាកីឡាកររបួសរបស់ Man City មិនចោទជាការរំខានអ្វី ព្រោះសល់កីឡាករល្អគជើងច្រើនទៀត។ អ្នករបួសមាន៖ Fernandinho, Benjamin Mendy និង Raheem Sterling (៥០/៥០)។ ឯខាង Basel មានTaulant Xhaka (ជាប់បម្រាម) Germano Vailati, Éder Balanta (របួស)
១១នាក់ក្រុមទាំងពីរ៖
Man City៖ Bravo; Danilo, Stones, Laporte, Zinchenko; De Bruyne, Gündoğan, Foden; B Silva, Jesus, Sterling
Basel៖ Vaclík; Lang, Lacroix, Suchý, Riveros, Petretta; Zuffi, Serey Dié; Stocker, Elyounoussi, Oberlin