ក្រោយឡើងវគ្គ៨ ក្រុម UCL ភ្លាម Mane បោះពាក្យភ្លែតតែម្ដង!
- 2018-03-07 11:37:35
- ចំនួនមតិ 0 | ចំនួនចែករំលែក 0
ក្រោយឡើងវគ្គ៨ ក្រុម UCL ភ្លាម Mane បោះពាក្យភ្លែតតែម្ដង!
ចន្លោះមិនឃើញ
ក្រោយ Liverpool ទើបតែធ្វើបានសម្រេចក្នុងការឡើងវគ្គ ៨ក្រុមនៃក្របខ័ណ្ឌ Champions League ខ្សែប្រយុទ្ធស្លាប Sadio Mane ក្នុងថ្ងៃនេះបាននិយាយថា ក្លឹបហង្សក្រហម Liverpool អាចលេងឈ្នះក្លឹបទាំងអស់។
ខ្សែប្រយុទ្ធស្លាបសេណេហ្គាល់រូបនេះ បានថ្លែងប្រាប់សារព័ត៌មាន Sky Sports ថា៖ "ខ្ញុំដឹងថា វាមិនមែនជារឿងងាយទេ ប៉ុន្តែខ្ញុំជឿថា Liverpool អាចលេងឈ្នះក្លឹបទាំងអស់នៅលើលោកនេះ"។
ពេលត្រូវបានអ្នកសារព័ត៌មានសួរទាក់ទងនឹងចំណាប់អារម្មណ៍ផ្ទាល់ខ្លួន ស្ដីពីការប្រកួតប៉ះជាមួយ Manchester United នាថ្ងៃដ៏ឆាប់ខាងមុខ ខ្សែស្លាប Mane បាននិយាយ៖ "និយាយតាមត្រង់ទៅ Manchester United ស្ថិតក្នុងចំណោមក្លឹបដែលល្អបំផុតនៅអង់គ្លេស ក៏ដូចជាក្នុងពិភពលោកផងដែរ។ ទោះជាយ៉ាងណា ក្លឹប Liverpool ក៏ស្ថិតក្នុងលំដាប់ហ្នឹងដែរ។ ដូច្នេះ វាគឺជាសុបិនសម្រាប់កីឡាករគ្រប់រូបក្នុងការលេងក្នុងជំនួបធំបែបនេះ"។
ខ្សែស្លាប Mane កំពុងបង្ហាញទម្រង់លេងយ៉ាងល្អឲ្យក្លឹបហង្សក្រហម។ កីឡាករសេណេហ្គាល់ស៊ុតចូលរហូតដល់ ៥គ្រាប់ ក្នុង ៤ប្រកួតចុងក្រោយ។
ក្លឹបបិសាចក្រហមនឹងបើកទ្វារស្វាគមន៍ ក្លឹបហង្សក្រហម Liverpool នៅថ្ងៃសៅរ៍ខាងមុខ៕