ព័ត៌មានស្នេហា Lee Dong Wook និង Suzy កំពុងកក្រើកពេញទឹកពេញដី

2018-03-09 01:23:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានកក្រើកមួយទៀតហើយបានផ្ទុះឡើងទាក់ទងនឹងកំពូលតារាកូរ៉េប្រុសស្រី Lee Dong Wook និង Suzy ទាក់ទងស្នេហានឹងគ្នា។

សារព័ត៌មានល្បីៗរបស់កូរ៉េជាច្រើនបានចុះផ្សាយព្រោងព្រាត ថា Suzy និង Lee Dong Wook កំពុងលួចទាក់ទងគ្នាស្ងាត់ និងបានក្លាយជាគូស្នេហ៍ដែលមានវ័យខុសគ្នាដល់ទៅ ១៣ឆ្នាំ។ ដោយឡែកទាក់ទងនឹងព័ត៌មាននេះដែរ ក៏មានការបញ្ជាក់ពីផលិតកម្មរបស់តារាប្រុសស្រីទាំង ២រូបដែរ។ ក្នុងផលិតកម្ម King Kong by Starship របស់តួប្រុសក្នុងរឿង "Goblin” រូបនេះបានលើកឡើងថា៖ "ពួកគេបានជួបគ្នាដោយស្ងាត់ៗ ជារឿយៗ ហើយក៏ចាប់ផ្ដើមភ្ជាប់ទំនាក់ទំនងស្នេហ៍ជាមួយគ្នាទៅវិញទៅមក។ ដោយសារវា ទើបជាជំហានដំបូង ហើយយើងទើបតែជ្រាបពីរឿងនេះដែរ ដូចនេះមិនមានព័ត៌មានលម្អិតច្បាស់លាស់បន្ថែមកលើសពីនេះទេ”។

ដូចគ្នានេះដែរ ចំពោះផលិតកម្ម JYP ក៏បានបញ្ជាក់ដែរថា៖ "ពួកគេទាំង ២ទើបចាប់ផ្ដើមទាក់ទងស្នេហាជាមួយគ្នាថ្មីៗនេះទេ”។

បើតាមវិបសាយ Koreaboo បានបង្ហាញថា Lee Dong Wook ធ្លាក់ក្នុងអន្លង់ស្នេហ៍ Suzy ដោយសារភាពរួសរាយរាក់ទាក់របស់នាង។ មួយវិញទៀតបើរម្លឹកទៅកាលពីឆ្នាំ ២០១២ Suzy ក៏ធ្លាប់និយាយដែរថា ប្រភេទបុរសក្នុងសុបិននាង គឺ Lee Dong Wook៕

ប្រភព៖ Soompi ប្រែសម្រួល៖ យី សុធារី