ទីបំផុត Emma Watson បណ្ដើរគ្នាជាមួយមិត្តប្រុសថ្មីផ្លូវការហើយ

2018-03-13 06:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃមុននេះ កំពូលតារាសម្ដែង Emma Watson ត្រូវគេសង្ស័យថាកំពុងតែទាក់ទងជាមួយតួសម្ដែងពីក្នុងរឿងភាគ Glee លោក Chord Overstreet។ ពេលនេះមើលទៅអ្នកទាំងពីរ ប្រាកដជាទាក់ទងគ្នាជាផ្លូវការហើយ ដោយបានបណ្ដើរគ្នាជាសាធារណៈ មិនខ្វល់ពីអ្នកដទៃឡើយ។

រូបថតមួយសន្លឹកនេះ ត្រូវបានអ្នកប្រមាញ់ថតរូប ថតបានកាលពីថ្ងៃព្រហស្បតិ៍សប្ដាហ៍មុននៅទីក្រុង Los Angeles សហរដ្ឋអាមេរិក ដោយសង្កេតឃើញអ្នកទាំងពីរកាន់ដៃគ្នាស្អិតល្មួត យ៉ាងស្និទ្ធស្នាល។

រូបថតនេះបានទទួលស្គាល់ នូវអ្វីដែលសារព័ត៌មាន Page Six បានបញ្ចេញកាលពីថ្ងៃសុក្រសប្ដាហ៍មុនថាអ្នកទាំងពីរកំពុងទាក់ទងគ្នា ខណៈពេលនោះដែរប្រភពមួយក៏បានប្រាប់ទស្សនាវដ្ដី People ថាអ្នកទាំងពីរទាក់ទងគ្នាគឺពិតជាចម្លែកបន្តិចប៉ុន្តែពួកគេមើលទៅដូចជាសមគ្នាម្យ៉ាងដែរ៕