ដំណឹងល្អ! មន្ត្រីរាជការមានប្រាក់ខែល្មមៗ ចង់បានផ្ទះធំទ្រនំខ្ពស់ លែងពិបាកហើយ
- 2018-03-13 06:08:23
- ចំនួនមតិ 0 | ចំនួនចែករំលែក 0
ដំណឹងល្អ! មន្ត្រីរាជការមានប្រាក់ខែល្មមៗ ចង់បានផ្ទះធំទ្រនំខ្ពស់ លែងពិបាកហើយ
ចន្លោះមិនឃើញ
តាមសេចក្តីជូនដំណឹងរបស់ក្រសួងអប់រំ កាលពីថ្ងៃទី១២ ខែមីនា ឆ្នាំ២០១៨ ឲ្យដឹងថា បុគ្គលិកអប់រំទាំងអស់ដែលមានបំណងចង់ទិញលំនៅឋានតម្លៃទាប និងមធ្យមរបស់ក្រុមហ៊ុន WorldBridge Homes ឲ្យប្រញាប់រួសរាន់ទៅទំនាក់ទំនងជាមួយក្រុមហ៊ុននេះ។
ក្រុមហ៊ុន WorldBridge Homes បានប្រកាសលក់លំនៅឋានតម្លៃសមរម្យ កាលពីថ្ងៃទី៩ ខែកុម្ភៈ ឆ្នាំ២០១៨ សម្រាប់មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋដែលមានចំណូលទាប និងមធ្យម។ តម្លៃផ្ទះ គឺចាប់ពី ២៥០០០ដុល្លារឡើងទៅ ដែលមានទីតាំងតាមបណ្តោយផ្លូវជាតិលេខ២១ ភូមិកោះគរ ឃុំរកាខ្ពស់ ស្រុកស្អាង ខេត្តកណ្តាល។ បន្ទាប់មកក្រសួងអប់រំក៏បានចេញសេចក្ដីជូនដំណឹងនេះឡើង ដើម្បីផ្ដល់ផលប្រយោជន៍ដល់បុគ្គលិកក្នុងវិស័យអប់រំ។
ចំពោះលក្ខខណ្ឌនៃការបង់ប្រាក់ ក្រុមហ៊ុនបញ្ជាក់ថា អតិថិជនអាចបង់ប្រាក់កក់ដំបូងតែ ៥% ឬ ១០% នៃតម្លៃផ្ទះតែប៉ុណ្ណោះ ហើយអាចបង់បង្គ្រប់ប្រាក់កក់ឲ្យគ្រប់ចំនួន ២០% ឬ ២៥% ឬ ៣០% នៃតម្លៃផ្ទះរហូតដល់រយៈពេល ២៤ខែ ដោយគ្មានការប្រាក់អ្វីទាំងអស់ជាមួយក្រុមហ៊ុន បន្ទាប់ពីបានបង់ប្រាក់កក់ដំបូងរួចរាល់៕