ធ្លាយវីដេអូថាសហោះ UFO ថតបានដោយអ្នកបើកយន្តហោះចម្បាំងអាមេរិក
- 2018-03-13 06:54:54
- ចំនួនមតិ 0 | ចំនួនចែករំលែក 0
ធ្លាយវីដេអូថាសហោះ UFO ថតបានដោយអ្នកបើកយន្តហោះចម្បាំងអាមេរិក
ចន្លោះមិនឃើញ
ក្រុមអ្នកបើកយន្តហោះចម្បាំងអាមេរិក បានប្រទះឃើញវត្ថុម្យ៉ាងស្រដៀងទៅនឹងយាន UFO ដែលគ្មានស្លាប និងកន្ទុយ អំឡុងពេលពួកគេ បើកយន្តហោះចម្បាំងប្រភេទ Boeing F/A-18 Super Horne នៅតាមបណ្ដោយឆ្នេរសមុទ្រអាមេរិកភាគខាងកើត កាលពីឆ្នាំ ២០១៥។
យោងតាមការចុះផ្សាយរបស់កាសែត ABC News បានបញ្ជាក់ថា វីដេអូរយៈពេល ៣៥ វិនាទីនេះ ត្រូវបានថតដោយកាមេរ៉ារបស់យន្តហោះចម្បាំង F/A-18 ដែលបានហោះក្នុងរយៈកម្ពស់ ៧៦០០មែត្រ។ វីដេអូនេះ ត្រូវបានបែកធ្លាយ កាលពីថ្ងៃ ០៩ មីនា ដែលបានបង្ហោះដោយក្រុមអ្នកស្រាវជ្រាវឯកជន Stars Academy of Arts and Science (TTSA) ។ ក្រុមអ្នកស្រាវជ្រាវនេះ ត្រូវបានដឹកនាំដោយលោក Hal Puthoff ទីភ្នាក់ងារ NASA និងជាអ្នកប្រឹក្សាយោបល់ឲ្យក្រសូងការពារជាតិអាមេរិក ព្រមទាំង លោក James Semivan អតីតមន្ត្រី CIA។
ក្រសួងការពារជាតិអាមេរិក បានបដិសេធមិនបកស្រាយចំពោះវីដេអូ ដែលបានបែកធ្លាយនេះទេ។
គួររំលឹកផងដែរថា កាលពីឆ្នាំ២០០៤ ក៏កើតមានរឿងស្រដៀងគ្នានេះដែរ ពោលគឺវីដេអូចំនួន២ បង្ហាញពី UFO ត្រូវបានលេចធ្លាយ និងចុះផ្សាយដោយកាសែតអាមេរិក The New York Times៕