ផ្ទះសង់ដោយម៉ាស៊ីនព្រីន 3D តម្លៃថោកមិនគួរឲ្យជឿ

2018-03-13 07:16:54
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងកម្មវិធី SXSW នៅក្នុងទីក្រុង Austin រដ្ឋ Texas នាថ្ងៃនេះ ក្រុម Startup គ្រោងនឹងបង្ហាញអំពីគេហដ្ឋានមានតម្លៃធូរថ្លៃ ដែលសង់ដោយម៉ាស៊ីនព្រីន 3D។

ក្រុម Startup មានឈ្មោះថា ICON ដោយពួកគេបង្កើតបានវិធីសាស្ត្រមួយដើម្បីព្រីនផ្ទះមួយជាន់មានទំហំ ៦០ ម៉ែត្រការ៉េ អំពីស៊ីម៉ង់ និងចំណាយពេលព្រីនចន្លោះពី ១២ ទៅ ២៤ ម៉ោងប៉ុណ្ណោះ។ ការអាចព្រីនផ្ទះនេះបានដោយប្រើម៉ាស៊ីនព្រីន 3D ម៉ូដែល Vulcan ដោយការព្រីនផ្ទះមួយចំណាយប្រមាណ ១០ ០០០ ដុល្លារ ហើយគេមានគម្រោងថានឹងបន្ថយការចំណាយមកនៅត្រឹម ៤ ០០០ ដុល្លារក្នុងមួយផ្ទះ។

ផ្ទះគំរូដែលសង់ដោយម៉ាស៊ីនព្រីននេះ នឹងត្រូវបង្ហាញជាលើកដំបូងនៅក្នុងកម្មវិធី SXSW នាថ្ងៃនេះ។ ផ្ទះគំរូនេះទៀតសោតមានបន្ទប់ទទួលភ្ញៀវចំនួនមួយ, បន្ទប់គេងមួយ និង បន្ទប់ទឹកមួយ។ ប្រសិនបើអ្វីៗប្រព្រឹត្តទៅតាមការគ្រោងទុក សហគមន៍មួយដែលមានផ្ទះប្រភេទនេះចំនួន ១០០ ខ្នងនឹងត្រូវបង្កើតឡើងសម្រាប់ប្រជាពលរដ្ឋនៅប្រទេស El Salvador នាឆ្នាំក្រោយនេះ៕