សេដ្ឋីបច្ចេកវិទ្យា ៥ រូប ជិះតែរថយន្តធុនទាប មិនឃើញឡើងស៊េរីដូចគេដូចឯង

2018-03-14 01:34:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាទូទៅបុគ្គលដែលជោគជ័យលើវិស័យបច្ចេកវិទ្យា ច្រើនក្លាយខ្លួនជាសេដ្ឋីលុយពាន់លានដុល្លារ។ សោតយ៉ាងដូចជាលោក Bill Gates ដែលគេស្គាល់ជាស្ថាបនិកក្រុមហ៊ុន Microsoft ធ្លាប់បានចំណាយលុយជាច្រើន ទៅលើរបស់របរប្រើប្រាស់ ដោយមុននេះបន្តិចក៏ទើបតែទិញរថយន្តស៊េរីទំនើប Porsche 911 ។

ប៉ុន្តែក៏មានបុគ្គលជោគជ័យមួយចំនួនផ្សេងទៀត ហាក់មានការសន្សំសំចៃខ្ពស់ សូម្បីតែរថយន្តដើរបើកបរឆ្លងកាត់ក្រសែភ្នែកមនុស្សរាប់ពាន់នាក់ ក៏មានខ្លះបន្តជិះរថយន្តតម្លៃថោកត្រឹម ១ មុឺនទៅ ២ មុឺនដុល្លារ។

១.Warren Buffett:

នាយកប្រតិបត្តិនៃក្រុមហ៊ុន Berkshire Hathaway ទម្លាប់របស់គាត់ពុំដែលចំណាយលុយលើស ៣,១៧ ដុល្លារឡើយលើអាហារពេលព្រឹក។ ទាំងការរស់នៅក៏មិនខុសគ្នា ផ្ទះដែលគាត់ទិញកាលពីឆ្នាំ ១៩៥៨ មានតម្លៃ ៣១ ៥០០ ដុល្លារ រក្សាស្នាក់អាស្រ័យមកទល់ពេលបច្ចុប្បន្ន។

នៅឆ្នាំ ២០១៤ របាយការណ៍មួយធ្លាប់បានចុះផ្សាយ សេដ្ឋីវ័យ ៨៧ ឆ្នាំ រូបនេះ បានទិញរថយន្ត Cadillac XTS ថ្លៃប្រហែល ៤៥ ០០០ ដុល្លារ ប្តូរពីស៊េរីចាស់ Cadillac DTS ឆ្នាំ ២០០៦ ក្រោយកូនស្រីទទូចថាមានការខ្មាសអៀន។

២.Mark Zuckerberg:

ស្ថាបនិកក៏ដូចជានាយកប្រតិបត្តិ Facebook លោក Zuckerberg បានបង្កើតឡើងនូវបណ្តាញសង្គមធំជាងគេបំផុតក្នុងលោក ប៉ុន្តែទៅមើលរថយន្តដែលគាត់ជិះថ្លៃត្រឹម ៣០ ០០០ ដុល្លារម៉ាក Acura TSX។

ជាមួយគ្នានេះគាត់ក៏មានរថយន្តថ្លៃប្រហែលគ្នាផ្សេងទៀត Volkswagen GTI ដោយការសម្រេចទិញរថយន្តធូរថ្លៃបែបនេះមានហេតុផលដូច្នោះថា៖ "ដោយសារកត្តាសុវត្ថិភាព, ងាយស្រួល និងមិនសម្ញែងខ្លាំងពេក"។

៣.Alice Walton:

ជាកូនស្រីស្ថាបនិកក្រុមហ៊ុន Wal-Mart លោក Sam Walton ដោយបច្ចុប្បន្នស្រ្តីវ័យ ៦៨ ឆ្នាំរូបនេះ ក៏កាន់មុខតំណែងធំនៅក្រុមហ៊ុនអាមេរិកនោះផងដែរ។ រថយន្តដែលអ្នកស្រីជិះមានតម្លៃ ៤០ ០០០ ដុល្លារម៉ាក Ford F-150 King Ranch សេរ៊ីឆ្នាំ ២០០៦។

៤.Ingvar Kamprad:

ស្ថាបនិកក្រុមហ៊ុន Ikea លោក Ingvar Kamprad ជាមនុស្សទម្លាប់មានចាយលុយខ្ជះខ្ជាយលើរបស់ដែលមិនចាំបាច់។ តម្លៃដើមកាលគាត់ទិញរថយន្ត Volvo 240 GL ឆ្នាំ ១៩៩៣ ថ្លៃ ២២ ០០០ ដុល្លារ ប៉ុន្តែមកចូលបច្ចុប្បន្នត្រូវបានគេរាយការណ៍សេរ៊ីទាបមួយនោះ លក់បានតែជាងប៉ុន្មានពាន់ដុល្លារប៉ុណ្ណោះ។

៥.Steve Ballmer:

អតីតនាយកប្រតិបត្តិ Microsoft និងបច្ចុប្បន្នម្ចាស់ក្រុមហ៊ុន Los Angeles Clippers មួយជីវិតគាត់ជិះតែរថយន្ត Ford ព្រោះឪពុកជានាយកនៃក្រុមហ៊ុន Ford Motor Company។ រថយន្តដែលគាត់ជិះ គឺទិញនៅឆ្នាំ ២០០៩ ម៉ាក Ford Fusion Hybrid មានតម្លៃតែ ២៨ ០០០ ដុល្លារប៉ុណ្ណោះ។