ចិន ផលិតបានអាវក្រោះបំបាំងកាយ បំពាក់លើយន្តហោះចម្បាំង

2018-03-14 03:21:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានីយពិសោធន៍របស់ចិន បានផលិត “កំពូលវត្ថុធាតុ” មួយប្រភេទ ដែលអាចធ្វើឲ្យយន្តហោះបំបាំងកាយបាន។ នេះបើតាមការផ្សាយរបស់ទូរទស្សន៍ CCTV កាលពីសប្ដាហ៍មុន។

ស្ថានីយនោះ មិនបានបញ្ជាក់ថាតើវត្ថុដែលខ្លួនបានផលិតនេះ ត្រូវយកទៅប្រើប្រាស់ក្នុងគោលបំណងអ្វីនោះទេ ប៉ុន្តែកាសែតក្នុងស្រុកមួយ បានទម្លាយថា វត្ថុធាតុនេះ នឹងត្រូវយកទៅបំពាក់លើយន្តហោះចម្បាំង ជាពិសេសយន្តហោះចម្បាំងប្រភេទ J-20។

យន្តហោះចម្បាំង J-20

ស្ថានីយពិសោធន៍ដែលមានឈ្មោះថា State Key Laboratory of Metamaterial Electromagnetic Modulation Technology នោះ ត្រូវបានបង្កើតឡើងក្នុងឆ្នាំ ២០១១ ក្រោមការឧបត្ថម្ភពីរដ្ឋាភិបាលចិន។

តើអ្វីទៅជា “កំពូលវត្ថុធាតុ” របស់ស្ថានីយពិសោធន៍នោះ?

កំពូលវត្ថុធាតុនោះ ត្រូវបានគេស្គាល់ជាទូទៅថា Metamaterial ដែលជាប្រភេទវត្ថុធាតុថ្មីសម្រាប់ផលិតដែកយន្តហោះ ដែលមានលក្ខណៈសម្បត្តិពិសេសខុសពីដែកធម្មតា។ វត្ថុធាតុប្រភេទនេះ អាចជះផ្លាតកាំពន្លឺ ដែលអាចធ្វើឲ្យយន្តហោះ គេចផុតពីការចាប់របស់ប្រព័ន្ធរ៉ាដាបាន៕

ប្រភព៖ Kley Kley ប្រែសម្រួល ៖ អឹុម ម៉េងស៊ាង