ក្រោយដឹង Chompoo ជាជម្រើសតួស្រីដំបូងរឿង "បុព្វេសន្និវាស" មហាជនលាន់មាត់គ្រប់គ្នា

2018-03-15 07:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានដែលលើកឡើងពីតួស្រីដើមដែលត្រូវ ដើរតួក្នុងភាពយន្តភាគបុរាណកំពុងទទួលបានការគាំទ្រពីសំណាក់ទស្សនិកជន "បុព្វេសន្និវាស” បានក្លាយជាប្រធានបទក្ដៅគគុកនាពេលថ្មីៗនេះ។

Chompoo Araya

ជាក់ស្ដែង ដំបូងឡើយតារាសម្ដែង Chompoo Araya ត្រូវបានជ្រើសជាតួ "កាឡាកេត/កេតស៊ូរាំង” ប៉ុន្តែក្រោយមកក្រុមការងារក៏សម្រេចជ្រើស តារាសម្ដែង Bella Ranee មកជំនួសវិញ ដោយសារមូលហេតុ Chompoo ជាប់រវល់ភារកិច្ចសំខាន់។

Bella Ranee

ពាក់ព័ន្ធនឹងព័ត៌មាននេះដែរ មហាជនជាច្រើនបានលើកមតិថា៖ "សម្រាប់ការផ្លាស់ប្ដូរតួនេះ គឺល្អបំផុត ព្រោះបើមិនដូច្នោះទេ រឿងនេះនឹងគ្មានអ្នកមើលទេ"។ មួយចំនួនទៀតនិយាយថា៖ "Bella សមនឹងតួនេះ ជាង Chompoo ឆ្ងាយណាស់ ព្រោះ Chompoo មានទម្រង់មុខបែបអឺរ៉ុប ដូចនេះនាងមិនសមនឹងដើរតួក្នុងរឿងបុរាណទេ។ ទម្រង់មុខ និងរាងរៅដ៏ស្រស់ស្អាតរបស់អ្នកម្ដាយកូនភ្លោះនេះ បានតែជាមួយស្ប៉តពាណិជ្ជកម្ម ថតរូបម៉ូដែល បង្ហាញម៉ូដ និងរឿងបែបសម័យៗទេ។ ចំណែក Bella ពិតជាស័ក្ដិសមឥតខ្ចោះ ហើយពេលសម្ដែងពិតជាចេញពីធម្មជាតិពិតៗ"។

ទោះយ៉ាងណានេះគ្រាន់ជាការបញ្ចេញមតិរបស់ទស្សនិកជនប៉ុណ្ណោះ សម្រាប់ Chompoo នៅតែជាតារាស្រីកំពូលរបស់ថៃ ហើយមកទល់ពេលនេះប្រជាប្រិយភាពរបស់នាងក៏ឡើងស្រឺតៗរហូតដែរ ទោះមានកូនទៅហើយក្ដី៕

ចុចអាន៖

ប្រភព៖ thaistarnews ប្រែសម្រួល៖ យី សុធារី