បេក្ខជន American Idol ម្នាក់ខំរក្សាស្នាមថើបដំបូងជូនមនុស្សពិសេស តែត្រូវ Katy ឆក់បាត់ (វីដេអូ)

2018-03-15 07:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលវេលាដ៏តឹងតែងមួយបានកើតឡើង នៅពេលដែលតារាចម្រៀង Katy Perry សម្រេចចិត្តថើបបេក្ខជនមួយរូបក្នុងកម្មវិធី "American Idol” ក្រោយបុរសរូបនោះនិយាយថាលោកមិនធ្លាប់ថើបនារីណាម្នាក់ពីមុនមកទេ។

ស្របពេលដែលរឿងដែលបានកើតឡើងមួយ អាចជាក្ដីស្រមៃរបស់បុរសៗជាច្រើនក៏ពិតមែន ប៉ុន្តែកំលោះម្នាក់ឈ្មោះ Benjamin Glaze បែរជាមានអារម្មណ៍មិនសប្បាយចិត្តដែលម្ចាស់បទ "California Gurls” ឆក់យកស្នាមថើបដំបូងរបស់លោក។ មូលហេតុ ក៏ព្រោះលោកចង់រក្សាវាទុកសម្រាប់មនុស្សពិសេស។

តាមរយៈវីដេអូអំឡុងពេលសម្ភាសន៍ តារាចម្រៀង Luke Bryan បានសួរទៅកាន់ Benjamin ថាធ្លាប់បានថើបនរណាពីមុនមកទេ? បេក្ខជនរូបនោះបានឆ្លើយថា ខ្លួនមិនធ្លាប់មានទំនាក់ទំនងស្នេហាពីមុនមកទេ។ ក្រោយពីឮចម្លើយបែបនេះ តារាចម្រៀង Katy Perry ក៏បានហៅបេក្ខជនរូបនោះមកជិត និងបង្ខំឲ្យថើបនាងទៀត។

ក្រោយពីចប់កម្មវិធី លោក Benjamin Glaze បានប្រាប់វិបសាយ New York Times ថា៖ "ខ្ញុំមិនសូវជាស្រួលចិត្តប៉ុន្មានទេ។ ខ្ញុំចង់រក្សាស្នាមថើបនេះសម្រាប់ស្នេហាដំបូងរបស់ខ្ញុំ។ ខ្ញុំចង់ឲ្យវាក្លាយជារឿងពិសេស។ ខ្ញុំគួរតែឆ្លើយថា 'ទេ' នៅពេលនាងសួរខ្ញុំថា 'លោកអាចថើបខ្ញុំទេ?'។ ខ្ញុំដឹងច្បាស់ថាមនុស្សប្រុសផ្សេងអាចនឹងចូលចិត្តវា ប៉ុន្តែសម្រាប់ខ្ញុំ ខ្ញុំធំធាត់ជាមួយគ្រួសារបែបរម្យទម ហើយខ្ញុំក៏មានអារម្មណ៍មិនល្អភ្លាមៗដែរ។ ខ្ញុំចង់ឲ្យស្នាមថើបដំបូងរបស់ខ្ញុំក្លាយជាស្នាមថើបដ៏មានន័យ"៕

ទស្សនាវីដេអូខាងក្រោម៖