ភ្លេចនៅហ្គេម Plants vs Zombies 2 ឥឡូវជិតចេញវគ្គថ្មីទៀតហើយ

2018-03-15 11:43:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាង ៤ ឆ្នាំមកហើយគិតចាប់ពីពេលដែលក្រុមហ៊ុន EA បើកឲ្យទាញយកហ្គេម Plants Vs Zombies 2 លើឧបករណ៍ Android និង iOS ប៉ុន្តែខកខានការ Update អស់រយៈពេលជាច្រើនខែ សឹងតែធ្វើឲ្យមនុស្សមួយចំនួនភ្លេចឈ្មោះហ្គេមនេះបាត់ទៅហើយ។

ដំណឹងល្អបានត្រឡប់មកវិញនាពេលនេះ ក្រុមហ៊ុនអាមេរិកនឹងបន្ថែមការ Update ជំនាន់ក្រោយ នូវវគ្គថ្មីឲ្យឈ្មោះ Battlez ដែលអនុញ្ញាតឲ្យអ្នកលេងធ្វើការប្រកួតមួយទល់នឹងមួយ ជាមួយអ្នកលេង Online ឯទៀត ក្នុងការវាយប្រហារខ្មោច ដើម្បីស្វែងរកអ្នកឈ្នះដែលមានពិន្ទុខ្ពស់បំផុត។

ចំណុចមួយខុសពីវគ្គ Standard ធម្មតា ត្រង់ថានៅពេល Zombie អាចកម្ទេចរុក្ខជាតិរបស់អ្នកទាំងអស់ និងដើរដល់ចំណុចរទេះកាត់ស្មៅ (Lawn Mower) ហើយខ្មោចត្រូវបានសម្លាប់ ប៉ុន្តែអ្នកលេងពុំបានទទួលពិន្ទុនោះទេ គ្រាន់តែរទេះដែលបាត់បង់នឹងលោតចេញមកវិញ ស្របពេលអ្នកអាចបន្តការប្រកួតទៀត។

យ៉ាងណាមិញក្រុមហ៊ុន EA ក៏សន្យាទុកជាមុនថា ផែនទីនៃវគ្គ Battlez នឹងមានការផ្លាស់ប្ដូររៀងរាល់សប្ដាហ៍ ក្នុងការប្រាកដថា អ្នកលេងគ្រប់រូបនឹងប្រឈមការប្រកួតប្រជែងថ្មី ជាមួយមិត្តភ័ក្ដិជុំវិញពិភពលោក។

ទស្សនាវីដេអូ: