Microsoft ចង់ប្រជែង Amazon មានគម្រោងបើក Data Center នៅមជ្ឈិមបូព៌ា

2018-03-15 03:51:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Microsoft កំពុងរៀបចំគម្រោងបើក Data Center (មជ្ឈមណ្ឌលទិន្នន័យ) នៅតំបន់មជ្ឈិមបូព៌ានិងពង្រីកទៅអឺរ៉ុប ជាជំហានប្រជែងនឹង Amazon។

Data Center របស់ Microsoft នឹងស្ថិតនៅក្រុង អាប៊ូដាប៊ី និងឌូបៃ ប្រទេសអារ៉ាប់រួម (United Arab Emirates) ហើយផលិតផលប្រើ Cloud ដូចជា Azure, Office 365 និង Dynamics 365 នឹងមានវត្តមាននៅទីនោះ ក្នុងឆ្នាំ ២០១៩។

ឆ្នាំមុន Amazon បានប្រកាសថាខ្លួននឹងបើក Data Center នៅតំបន់មជ្ឈិមបូព៌ាក្នុងប្រទេសបារ៉ែន ឆ្នាំ ២០១៩។

Microsoft ក៏មានគម្រោងពាំនាំបច្ចេកវិទ្យា Cloud ទៅក្នុងប្រទេសស្វីស និងពង្រីកទៅក្នុងប្រទេសអាល្លឺម៉ង់ផងដែរ។

"យើងមើលឃើញឱកាសដ៏ធំក្នុងតំបន់មជ្ឈិមបូព៌ា និងអាហ្វ្រិកសម្រាប់បច្ចេកវិទ្យា Cloud នឹងក្លាយជាគន្លឹះសំខាន់សម្រាប់អភិវឌ្ឍន៍សេដ្ឋកិច្ច ក៏ដូចជាផ្ដល់ដំណោះស្រាយដល់ផ្នែកអប់រំ និងថែទាំសុខភាព"។ លោក Samer Abu-Ltaif ប្រធាន Microsoft ប្រចាំតំបន់។

Middle East សំដៅលើតំបន់មានប្រទេសជាច្រើនក្នុងទ្វីបអាស៊ីភាគនិរតី និងមានផ្នែកខ្លះនៃអាហ្វ្រិកខាងជើង។