រន្ធត់ណាស់! បាក់ស្ពានក្បែរសាកលវិទ្យាល័យ ក្នុងរដ្ឋ Florida ស្លាប់និងរបួសច្រើននាក់ (មានវីដេអូ)

2018-03-16 01:44:13
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានមនុស្សចំនួន ៤ នាក់បានស្លាប់ នាថ្ងៃព្រហស្បតិ៍នេះ បន្ទាប់ពីស្ពានថ្មើរជើងមួយខ្សែ ដែលស្ថិតនៅក្បែរសាកលវិទ្យាល័យ Florida International University បានបាក់ស្រុតចុះមក។

ជាមួយគ្នានេះដែរ យ៉ាងហោចណាស់មានឡានចំនួន ៨ គ្រឿង ដែលស្ថិតនៅក្រោមស្ពានត្រូវបានកម្ទេច និងមនុស្ស ៩ នាក់ផ្សេងទៀតត្រូវគេបញ្ជូនទៅព្យាបាលនៅមន្ទីរពេទ្យ។

លោក Rick Scott អាជ្ញាធររដ្ឋ Florida បាននិយាយកាលពីយប់ថ្ងៃព្រហស្បតិ៍ថា «រឿងសំខាន់បំផុតដែលយើងអាចធ្វើបានឥឡូវនេះ គឺ អធិស្ឋានសម្រាប់បុគ្គលដែលកំពុងសម្រាកនៅមន្ទីរពេទ្យ និង សមាជិកគ្រួសារដែលបានបាត់បង់មនុស្សជាទីស្រលាញ់»។

លោក Scott បានបន្ថែមទៀតថា រដ្ឋនឹងប្រឹងប្រែងឲ្យអស់ពីសមត្ថភាព ដើម្បីកំណត់ពីមូលហេតុបង្ក ថាតើមកពីបច្ចេកទេសសាងសង់ឬក៏យ៉ាងណា។

គួរបញ្ជាក់ថា ស្ពានសម្រាប់ថ្មើរជើងនោះ ទើបតែត្រូវបានគេដំឡើង កាលពីថ្ងៃសៅរ៍សប្ដាហ៍មុនប៉ុណ្ណោះ ដើម្បីបង្កើនសុវត្ថិភាពនៅលើផ្លូវមមាញឹកមួយ ដែលសិស្សនៃសាកលវិទ្យាល័យខាងលើ ធ្លាប់ត្រូវរថយន្តបុកស្លាប់កាលពីឆ្នាំមុន៕