កាន់តែទំនើប! កក់តារាងលេងបាល់សោះ សុទ្ធតែមាន App ទៀតឥលូវ

2018-03-16 07:01:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ Booksgoal ទើបតែបញ្ចេញកម្មវិធីថ្មីមួយ ដោយអាចកក់តារាងបាល់សឹងតែទាំងអស់នៅក្រុងភ្នំពេញ ដោយមិនត្រឹមតែមិនត្រូវចំណាយបន្ថែមផ្សេងៗហើយ ថែមទាំងបានការបញ្ចុះតម្លៃទៀតផង (សម្រាប់តារាងខ្លះ) រាល់ពេលកក់តាម App ម្ដងៗ។

លោក ធុល សារ៉ាវុធ អ្នកចាត់ការទូទៅ Booksgoal បានប្រាប់ឲ្យដឹងថា៖ “យើងធ្លាប់ជួបបញ្ហាច្រើនរឿងកក់តារាងលេងបាល់កន្លងមក។ ពេលខ្លះតេទៅចង់ ១០តារាងអីអត់ទាន់មានផង ជាហេតុធ្វើឲ្យយើងរួមគ្នាចាប់ផ្ដើមគំនិតបង្កើតកម្មវិធីនេះឡើង ជួយសម្រួលដល់អ្នកលេងបាល់ទាត់"។

អ្នកអាច Downloadកម្មវិធីនេះ ដោយឥតគិតថ្លៃ លើទូរសព្ទ Android និង iOS ហើយដើម្បីកក់ អ្នកគ្រាន់តែរើសតារាង រើសថ្ងៃ-ម៉ោងលេង ភេសជ្ជៈ បំពេញឈ្មោះ និងលេខទូរសព្ទជាការស្រេច។ ក្រោយមកក្រុមការងារ Booksgoal នឹងទូរសព្ទមកបញ្ជាក់ពីការកក់របស់អ្នក។

អ្នកចាត់ការខាងលើបន្ថែមថា៖ "គាត់កក់នៅនឹងយើងលឿន អត់ពិបាកតេតារាងនេះ តារាងនោះទៀតទេ ហើយមានតារាងខ្លះបញ្ចុះតម្លៃថែមទៀត"។

ក្រៅពីការកក់តារាងបាល់ Booksgoal ក៏អាចចុះឈ្មោះស្វែងរកដៃគូប្រកួតនៅលើកម្មវិធីនេះ និងមានលក់សម្ភារៈកីឡាជាច្រើន រួមជាមួយការដឹកជញ្ជូនផងដែរ រាល់ពេលទិញ។

ព័ត៌មានបន្ថែមពីកម្មវិធីមួយនេះ ចូលទៅផេកហ្វេសប៊ុក Booksgoal.com ឬវិបសាយ http://www.booksgoal.com/ ៕

អត្ថបទ៖ វិទូ