កម្ពុជា-ចិន ចាប់ផ្ដើមសមយុទ្ធទ្រង់ទ្រាយធំនាព្រឹកនេះ
- 2018-03-17 02:18:06
- ចំនួនមតិ 0 | ចំនួនចែករំលែក 0
កម្ពុជា-ចិន ចាប់ផ្ដើមសមយុទ្ធទ្រង់ទ្រាយធំនាព្រឹកនេះ
ចន្លោះមិនឃើញ
កម្ពុជា-ចិន រៀបចំសមយុទ្ធនាគមាស ចាប់ពីថ្ងៃទី១៧ ដល់ថ្ងៃទី៣០ ខែមីនា ឆ្នាំ២០១៨ ផ្តោតទៅលើការប្រឆាំងភេរវកម្ម សង្គ្រោះបន្ទាន់ លំហាត់បាញ់គ្រាប់ពិត និងប្រើប្រាស់សព្វាវុធទំនើបៗ។ កងទ័ពចិន មានឧទ្ធម្ភាគចក្រ រថពាសដែក និងគ្រឿងបំពាក់ផ្សេងៗទៀត ដែលសរុបទាំងអស់ មានចំនួន ២៥គ្រឿង។ ចំណែកកងទ័ពកម្ពុជា ប្រើប្រាស់ឧទ្ធម្ភាគចក្រចំនួន៦គ្រឿង រថពាសដែក ៨គ្រឿង។
ជាក់ស្ដែងយុទ្ធោបករណ៍របស់កងទ័ពចិនសម្រាប់សមយុទ្ធនាគមាស ទាំងនោះរួមមានដូចជា៖ រថពាសដែកចំនួន ៨គ្រឿង រថយន្តដឹកជញ្ជូនចំនួន ៦គ្រឿង រថយន្ត Jeep ចំនួន ៧គ្រឿង ឡានជួសជុលរថពាសដែក ចំនួន ១គ្រឿង រថយន្តដឹកទឹកស្អាតចម្រោះចំនួន ១គ្រឿង រថយន្តពេទ្យ ចំនួន ១គ្រឿង និងរថយន្តដឹកទឹកចំនួន ១គ្រឿង ព្រមទាំងសម្ភារៈមួយចំនួនទៀត។
នៅក្នុងសមយុទ្ធនេះ ភាគីកម្ពុជាមានកងទ័ពចំនួន ២៨០នាក់ ខណៈភាគីចិន មានចំនួន ១៩០នាក់។ សមយុទ្ធនាគមាសឆ្នាំ២០១៨ រវាងកងទ័ពកម្ពុជា និងចិន បានចាប់ផ្តើមនៅព្រឹកថ្ងៃទី១៧ ខែមីនា នេះ នៅភូមិសាស្ត្រតំបន់ភ្នំធំ ម្រះព្រៅ ភូមិថ្លុកដូនស ឃុំក្រាំងអំពិល ស្រុកសំរោងទង ខេត្តកំពង់ស្ពឺ ដែលជាទីតាំងរបស់កងពលអន្តរាគមន៍លេខ៧០។
សមយុទ្ធនេះ ធ្វើឡើងក្រោមអធិបតីភាពនាយឧត្តមសេនីយ៍ ប៉ុល សារឿន អគ្គមេបញ្ជាការកងយោធពលខេមរភូមិន្ទ និងលោកឧត្តមសេនីយ៍ទោ Zhang Jian មេបញ្ជាការតំបន់ភូមិភាគខាងត្បូងនៃកងទ័ពរំដោះប្រជាជនចិន៕
សូមទស្សនារូបភាពខាងក្រោម៖