គ្រោះថ្នាក់ចរាចរណ៍មួយ ធ្វើឲ្យ iPhone X ជ្រុះពេញថ្នល់ (វីដេអូ)

2018-03-17 04:41:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមការចុះផ្សាយរបស់សារព័ត៌មានចិន QQ កាលពីថ្ងៃទី ១៥ ខែមីនា មានគ្រោះថ្នាក់ចរាចរណ៍ធ្ងន់ធ្ងរមួយបានកើតឡើងនៅលើផ្លូវល្បឿនលឿននៃតំបន់ Guangxi ភាគខាងត្បូងប្រទេសចិន បណ្ដាលឲ្យមានរថយន្តក្រឡាប់ និងឆេះឆាបជាអគ្គីភ័យទៀតផង។

រថយន្តដែលក្រឡាប់មានដឹកនូវស្មាតហ្វូនជាច្រើនគ្រឿង។ ក្នុងនោះគេក៏ប្រទះឃើញ iPhone X រាយប៉ាយពេញថ្នល់។ ក្រៅពី iPhone X ក៏មាន iPhone 7 និង iPhone 6 ផងដែរ។ មិនមានការបញ្ជាក់អំពីតម្លៃនៃការខូចខាតនោះទេ ប៉ុន្តែបើតាមរូបភាពបានបង្ហាញ អាចនិយាយបានថាខូចខាតមិនតិចនោះទេ។

ជាសំណាងនោះគឺគ្រោះថ្នាក់នេះមិនបានឲ្យមានមនុស្សគ្រោះថ្នាក់ដល់អាយុជីវិតនោះទេ។ បន្ថែមពីនេះ ហេតុការណ៍នេះកើតឡើងនៅតំបន់ដាច់ស្រយាល ហេតុនេះមិនមានជនឆ្លៀតឱកាសមកលួចយកស្មាតហ្វូនដែលជ្រុះឡើយ៕