លោកយាយពិការភ្នែក ធ្លាប់ទស្សន៍ទាយរឿងមិនគួរឲ្យជឿមួយពីប្រធានាធិបតី រុស្ស៊ី

2018-03-19 02:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកយាយពិការភ្នែកម្នាក់ដែលល្បីខាងទស្សន៍ទាយឆុតបំផុត ធ្លាប់បាននិយាយថា ប្រធានាធិបតី រុស្ស៊ី លោក វ្លាឌីមៀរ ពូទីន នឹងគ្រប់គ្រងផែនដីនេះនៅថ្ងៃណាមួយ។

កាលពីឆ្នាំ ១៩៧៩ លោកយាយ Vanga បានប្រាប់អ្នកនិពន្ធម្នាក់ថា ប្រទេសរុស្ស៊ីនឹងក្លាយជា "ម្ចាស់នៃពិភពលោក" បន្ទាប់ពីទ្វីបអឺរ៉ុបក្លាយជាទីរហោស្ថាន។ យោងតាមកាសែត Birmingham Mail លោកយាយបាននិយាយថា "គ្រប់យ៉ាងនឹងរលាយដូចជាទឹកកកអីចឹង លើកលែងតែមួយប៉ុណ្ណោះដែលនៅដដែល នោះគឺ ភាពរុងរឿងរបស់ Vladimir និងភាពរុងរឿងនៃប្រទេស រុស្ស៊ី។”

លោកយាយពិការភ្នែកខាងលើ ក៏បានបន្ថែមថា "មនុស្សជាច្រើននឹងក្លាយជាជនរងគ្រោះ ហើយគ្មាននរណាម្នាក់អាចបញ្ឈប់រុស្ស៊ីបានទេ។ អ្វីគ្រប់យ៉ាងនឹងត្រូវកម្ចាត់ចេញពីផ្លូវរបស់ពួកគេ ហើយពួកគេនឹងក្លាយជាម្ចាស់នៃពិភពលោក។”

គួរឲ្យដឹងថា លោក វ្លាឌីមៀរ ពូទីន បានក្លាយជាប្រធានាធិបតីកាលពីឆ្នាំ ២០០០ និងបន្តកាន់អំណាចរហូតមកទល់បច្ចុប្បន្ន។ លើសពីនេះទៀត លោក បានឈ្នះការបោះឆ្នោត កាលពីម្សិលមិញ និងបន្តធ្វើប្រធានាធិបតីរុស្ស៊ី ២ អាណត្តិជាប់គ្នា៕

ចុចអាន ៖

ប្រភព៖ Dailymail ប្រែសម្រួល៖ រ័ត្ន