ឌី សាវ៉េត៖ ខ្មែរពូជអ្នកសិល្បៈ ដូច្នេះកុំចម្លងគេ ខ្ញុំសុំអង្វរ
- 2018-03-23 04:29:44
- ចំនួនមតិ 0 | ចំនួនចែករំលែក 0
ឌី សាវ៉េត៖ ខ្មែរពូជអ្នកសិល្បៈ ដូច្នេះកុំចម្លងគេ ខ្ញុំសុំអង្វរ
ចន្លោះមិនឃើញ
ស្របពេលវិស័យភាពយន្តកំពុងមានការរីកចំរើន តារាសម្តែងលោកស្រី ឌី សាវ៉េត ដែលជាតារាជើងចាស់តាំងពីទសវត្សរ៍ ទី៦០ បានស្នើឲ្យផលិតករ អ្នកសិល្បៈ កុំឲ្យមានការចម្លងគេ ព្រោះខ្មែរជាពូជអ្នកសិល្បៈដ៏អស្ចារ្យមួយ ហើយគួរបង្កើតអ្វីដែលថ្មីដោយខ្លួនឯង។
តារាសម្ដែងស្រីជើងចាស់អ្នកស្រី ឌី សាវ៉េត បានបង្ហាញចំណាប់អារម្មណ៍ចំពោះខ្សែភាពយន្តខ្មែរថា លោកស្រីសូមសរសើរស្នាដៃក្នុងការផលិត ទាំងការខិតខំប្រឹងប្រែងសម្ដែង និងការផលិតធ្វីដែលថ្មី។ ក្រៅពីនេះលោកស្រីក៏បានបានស្នើចិត្តអ្នកផលិត អ្នកសិល្បៈកុំឲ្យចម្លងពីគេ ព្រោះកុំឲ្យគេមើលងាយ។ អ្នកស្រីថា៖«ខ្ញុំសង្ឃឹមថាភាពយន្តខ្មែរយើងគួរប្រើខួរក្បាល និងគិតខ្លួនឯង កុំចម្លងគេឲ្យសោះ កុំចម្លង គេកុំឲ្យគេដៀលពីព្រោះពូជពង្សយើងជាពូជពង្សអ្នកសិល្បៈ យើងមើលតែប្រាសាទអង្គរយើងដឹងហើយថាយើងខ្លាំងខ្លាប៉ុណ្ណារឿងសិល្បៈតាំងពីរាំតាំងពីច្រៀង តាំងពីសម្ដែងអញ្ចឹងយើងធ្វើដោយគំនិតខ្លួនឯង យើងមានពូជពង្សជាអ្នកសិល្បៈស្រាប់យើងយើងកុំចម្លងគេឲ្យសោះខ្ញុំសុំចិត្តសុំអង្វរ។»
លោកស្រីឌីសាវ៉េតលើកឡើងដូច្នោះក្នុងកម្មវិធី សម្ភោធន៍រឿង ឡានទៅសៀមរាប កាលពីពេលថ្មីៗ នេះ៕