យក្ស Bayern ស្គាល់រសជាតិឈឺចាប់ជាលើកដំបូង ក្នុងរយៈពេលជិត ៤ខែ
- 2018-03-19 12:08:24
- ចំនួនមតិ 0 | ចំនួនចែករំលែក 0
យក្ស Bayern ស្គាល់រសជាតិឈឺចាប់ជាលើកដំបូង ក្នុងរយៈពេលជិត ៤ខែ
ចន្លោះមិនឃើញ
ក្លឹប Bayern Munich បានស្គាល់រសជាតិចាញ់ជាលើកដំបូងបង្អស់ ក្នុងរយៈពេលជិត ៤ខែ។
ក្លឹបយក្សអាល្លឺម៉ង់ បានចាញ់ ក្លឹប RB Leipzig ក្នុងលទ្ធផល ១ ទល់នឹង ២ ក្នុងការប្រកួតលីគយប់មិញ។
ក្នុងការប្រកួត Bayern បាននាំមុខ នៅនាទី ១២ ធ្វើបានសម្រេចដោយខ្សែប្រយុទ្ធ Sandro Wagner។ ទោះជាយ៉ាងណា មួយគ្រាប់របស់ខ្សែបម្រើ Naby Keita ជាង ២០ នាទីក្រោយមក ជួយឲ្យ RB Leipzig តាមស្មើវិញ។
មួយគ្រាប់ទៀតនៅនាទី ៥៦ របស់ខ្សែប្រយុទ្ធ Timo Werner របស់ RB Leipzig បានជួយឲ្យក្លឹបសម្រេចក្នុងការនាំមុខ Bayern ២ ទល់នឹង ១។ លទ្ធផលនេះបានបន្តរហូតដល់ចប់ការប្រកួត។
ការចាញ់របស់ Bayern នេះ គឺជាការចាញ់លើកដំបូងបង្អស់របស់ខ្លួនក្នុងរយៈជាង ៤ខែចុងក្រោយ។ គិតចាប់ពីការចាញ់ Borussia Monchengladbach កាលពីថ្ងៃទី ២៦ វិច្ឆិកា ២០១៧ រហូតមកទល់ការចាញ់ប្រកួតជាមួយ RB Leipzig យប់មិញ ក្លឹបយក្សអាល្លឺម៉ង់មិនដែលស្គាល់ឡើយពាក្យថា ចាញ់ឡើយ។ ក្នុងអំឡុងពេលនោះ ក្លឹបលេង ១៨ប្រកួត (គ្រប់កម្មវិធីទាំងអស់) ឈ្នះ ១៧លើក និងស្មើ ១ប្រកួត។
បច្ចុប្បន្ន Bayern ឈរលេខ ១ ក្នុងលីគកំពូលអង់គ្លេស មាន ៦៦ពិន្ទុ ខណៈក្លឹបលេខ ២ Schalke 04 ដែលកំពុងនៅពីក្រោយ មាន ៤៩ពិន្ទុ៕