ហ៊ានតែបើកបររថយន្តកាត់ក្រុងទាំង ១៣ នេះ ដឹងតែមិនរួចខ្លួនទេ

2018-03-20 01:35:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីក្រុងមានចរាចរណ៍រថយន្តលើដងផ្លូវរៀងរាល់ថ្ងៃ ការបើកបរតែម្នាក់ឯង ជាមួយទំហំរថយន្តធំទៅបំពេញការងារផ្សេងៗអាចផ្ដល់ផាសុកភាពដល់ខ្លួនឯង តែក៏បានធ្វើឲ្យទីធ្លាកាន់តែចង្អៀត ចូលរួមចំណែកបង្កើនធាតុគីមី បង្កជាតិកខ្វក់ដល់បរិស្ថាន។ ឃើញបែបនេះ ទីក្រុងចំនួន ១៣ កំពុងចាប់ផ្ដើមសម្រួលបិទចរាចរណ៍រថយន្តលើដងផ្លូវនៅតំបន់មួយចំនួន ក្នុងទីក្រុង។

១. ទីក្រុង Oslo ប្រទេស Norway នឹងបិទចរាចរណ៍រថយន្តត្រឹមឆ្នាំ ២០១៩ ដោយផ្ដល់ដីកាន់តែធំសម្រាប់កង់។

២. ទីក្រុង Madrid ប្រទេសអេស្ប៉ាញ មានគម្រោងបិទចរាចរណ៍រថយន្តក្នុងទំហំដីប្រមាណ ៥០០ ហិចតា ពីកណ្ដាលក្រុងត្រឹមឆ្នាំ ២០២០ ដោយផ្ដល់ភាពសំខាន់ដល់សកម្មភាពថ្មើរជើង ជៀសជាងបើកបរ។ ហើយក៏មានពិន័យផងដែរ បើមិនគោរពការសម្រេចយ៉ាងហោចណាស់ ១០០ ដុល្លារ។

៣. ទីក្រុង Chengdu ប្រទេសចិន លោក Adrian Smith និង លោក Gordon Gill ជាវិស្វករមានមូលដ្ឋាននៅ Chicago បានរចនាតំបន់ថ្មីក្រុងរបស់ចិន។ គម្រោងផ្លូវនេះអាចឲ្យអ្នកធ្វើដំណើរគ្រប់ទីកន្លែងត្រឹម ១៥ នាទី។ តែ Chengdu មិនបិទចរាចរណ៍រថយន្តទាំងស្រុងនោះទេ ដោយមានការអនុញ្ញាតខ្លះ។ តាមគម្រោងមានត្រឹមឆ្នាំ ២០២០។

៤. ទីក្រុង Hamburg ប្រទេសអាល្លឺម៉ង់ មានគម្រោងអនុញ្ញាតត្រឹមធ្វើដំណើរដោយថ្មើរជើង និងកង់ ក្នុងតំបន់ ត្រឹមឆ្នាំ ២០៣៥ ហើយក៏ពង្រីកទំហំ សួនកម្សាន្ត កន្លែងលែង កន្លែងហាត់ប្រាណ និងទីបញ្ចុះសពផងដែរ។

៥. ទីក្រុង Copenhagen ប្រទេស Denmark បន្តគម្រោងកាត់បន្ថយរថយន្ត ដែលបានចាប់ផ្ដើមតាំងឆ្នាំ ១៩៦០។ បច្ចុប្បន្ន ប្រជាជនច្រើនជាងពាក់កណ្ដាលក្នុងក្រុងប្រើកង់ជាមធ្យោបាយទៅធ្វើការរាល់ថ្ងៃ។ ដំបូងកំណត់ត្រឹម ២៨ ផ្លូវតាំងពីឆ្នាំ ២០១៤ និង ១១ ផ្លូវទៀត នឹងបញ្ចប់នៅចុងឆ្នាំ ២០១៨។ ទីក្រុងនេះសន្យា នឹងបន្ថយកម្រិតឧស្ម័នកាបូនឌីអុកស៊ីតចំនួនធំបំផុត ត្រឹមឆ្នាំ ២០២៥។

៦. ទីក្រុង Paris ប្រទេសបារាំង នឹងបិទចរាចរណ៍រថយន្តប្រើម៉ាស៊ូត ហើយបង្កើនទំហំដីសម្រាប់កង់ ត្រឹមឆ្នាំ ២០២០ ខណៈកំណត់ជម្រើសរថយន្តប្រើអគ្គិសនីខ្លះ។ កាលក្រុង Paris បានបិទចរាចរណ៍រថយន្តប្រើផ្លាកលេខគូរតែមួយថ្ងៃ ក្នុងឆ្នាំ ២០១៤ សារធាតុពុលបានធ្លាក់ចុះត្រឹម ៣០%។ រថយន្តផលិតមុនឆ្នាំ ១៩៩៧ អាចអនុញ្ញាតឲ្យបើកបរក្នុងក្រុងតែពេលចុងសប្ដាហ៍ប៉ុណ្ណោះ ហើយបើម្ចាស់រឹងបើកបរក្នុងថ្ងៃធម្មតា នឹងត្រូវផាកពិន័យ។

៧. ទីក្រុង London ប្រទេសអង់គ្លេស នឹងបិទចរាចរណ៍រថយន្តប្រើម៉ាស៊ូតត្រឹមឆ្នាំ ២០២០។ បច្ចុប្បន្ន រថយន្តប្រើម៉ាស៊ូត បើកបរនៅតំបន់មួយចំនួនក្នុងក្រុង ត្រូវបង់ ១២.៥០ ដុល្លារក្នុងមួយថ្ងៃ ពេលម៉ោងសំខាន់ (មានចរាចរណ៍ច្រើន) ជាតម្លៃបង់សម្រាប់ការកកស្ទះ។ កាលខែកក្កដា ឆ្នាំ ២០១៧ ប្រទេសអង់គ្លេសទាំងមូលបានប្រកាសថា ខ្លួននឹងបិទលក់រថយន្តប្រើម៉ាស៊ូត និងហ្គាសថ្មី ត្រឹមឆ្នាំ ២០៤០ ដើម្បីចូលរួមប្រយុទ្ធនឹងវិបត្តិកំណើនសារធាតុពុលក្នុងបរិយាកាស។ នេះបើតាមវេបសាយ The Guardian។

៨. ទីក្រុង Brussels ប្រទេស Belgium ជាក្រុងបន្ទាប់ពី Copenhagen ដែលមានទំហំដីធំជាងគេ គ្មានរថយន្តចរាចរណ៍លើដងផ្លូវ។ ភាគច្រើនដងផ្លូវក្នុងក្រុង សម្បូរតែអ្នកថ្មើរជើងប៉ុណ្ណោះ។ ខែមករា ឆ្នាំ ២០១៨ ក្រុង Brussels បានចាប់ផ្ដើមបិទចរាចរណ៍រថយន្តប្រើម៉ាស៊ូតផលិតមុនឆ្នាំ ១៩៩៨។

៩. ទីក្រុង Berlin ប្រទេសអាល្លឺម៉ង់ បានបង្កើនតំបន់បំភាយឧស្ម័នទាប ដោយបិទចរាចរណ៍រថយន្តប្រើម៉ាស៊ូត និងហ្គាស ដែលមិនមានស្តង់ដារ កាលឆ្នាំ ២០០៨។ ក្រុងនេះក៏បានប្រកាសកាលខែមីនា ឆ្នាំ ២០១៧ បង្កើតផ្លូវធំ (High-way) សម្រាប់កង់ផងដែរ។

១០. ទីក្រុង Mexico ប្រទេស Mexico កាលខែមេសា ឆ្នាំ ២០១៦ បានប្រកាសហាមរថយន្តបើកចូលកណ្ដាលក្រុងរយៈពេល ២ ថ្ងៃ ពេលថ្ងៃធ្វើការ និង ថ្ងៃសៅរ៍ពីរថ្ងៃក្នុងមួយខែ នេះដើម្បីជួយកាត់បន្ថយកម្រិតផ្សែងពុល។

១១. ទីក្រុង Bogota ប្រទេស Colombia បានបិទផ្លូវប្រមាណ ១២០ គីឡូម៉ែត្រ មិនឲ្យចរាចរណ៍រថយន្តរយៈពេលមួយថ្ងៃរៀងរាល់សប្ដាហ៍។ បច្ចុប្បន្ន ទំហំដីសម្រាប់ធ្វើដំណើរដោយកង់ មានលើសពី ៣២២ គីឡូម៉ែត្រ។

១២. ទីក្រុង San Francisco ប្រទេស California បានប្រកាសគម្រោងកាលខែសីហា ឆ្នាំ ២០១៧ ពីការបិទចរាចរណ៍រថយន្ត និងបន្ថែមទំហំដីសម្រាប់កង់ប្រមាណ ៣.៥ គីឡូម៉ែត្រ នៅផ្លូវសំខាន់ៗមួយចំនួន។ គម្រោងចំណាយពេល ៨ ឆ្នាំ និងថវិកា ៦០៤ លានដុល្លារ បង្កើតតំបន់ផ្សារថ្មើរជើង ខណៈដំណាក់កាលដំបូងបានចាប់ផ្ដើមនៅដើមឆ្នាំ ២០១៨។

១៣. ទីក្រុង New York ប្រទេស New York បានបង្កើនចំនួនតំបន់ថ្មើរជើង កង់ និងជម្រើសរថយន្តក្រុង។ ថ្ងៃសៅរ៍ បីថ្ងៃ រាល់ខែសីហា ជាព្រឹត្តិការណ៍ប្រចាំឆ្នាំ ដែលបានបម្រាមរថយន្តបើកបរលើផ្លូវសំខាន់ៗភ្ជាប់ពី Central Park ទៅ Brooklyn Bridge ដោយទុកសម្រាប់ថ្មើរជើង។ តែមិនទាន់មានគម្រោងបិទចរាចរណ៍រថយន្តពេលឆាប់ៗនោះទេ។