ត្រៀមលុយគ្នាយើង ស្មាតហ្វូន ៣ ម៉ូឌែលនេះអាចនឹងចេញលក់ឆាប់ៗ!

2018-03-19 11:36:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីពិព័រណ៍ MWC 2018 បានប្រព្រឹត្តិចប់ទៅ ការដាក់បង្ហាញស្មាតហ្វូនជំនាន់ក្រោយនឹងនៅតែបន្តកើតមានពីសំណាក់ក្រុមហ៊ុនលំដាប់កំពូលរបស់ប្រទេសចិន។ ក្នុងនោះសង្កេតឃើញដូចជាក្រុមហ៊ុន Huawei, Vivo និង Oppo សុទ្ធតែចេញបង្អួតផ្ទាំងប៉ាណូ គ្រោងប្រកាសផលិតផលថ្មីរៀងខ្លួន នៅអំឡុងចុងខែមិនា។

+Huawei P20/P20 Pro:

ម៉ូឌែលធន់ធ្ងន់ ២ សេរ៊ីនេះ នឹងដាក់បង្ហាញជាផ្លូវការនាថ្ងៃទី ២៧ មីនា ដោយចចាមអារ៉ាមធ្លាប់លេចធ្លាយថាត្រកូល P20 Pro នឹងប្រើកាមេរ៉ា ៣ គ្រាប់នៅខាងក្រោយ ជាមួយអេក្រង់ AMOLED ទំហំ ៦ អ៊ីញ ខណៈតម្លៃក្បែរ ១ ១១៥ ដុល្លារ ខ្ពស់ជាង P20 ធម្មតាត្រឹម ៨៤៣ ដុល្លារ។

+Oppo F7/F7 Youth:

មិនខុសពីក្រុមហ៊ុន Huawei ជើងខ្លាំងខាងឯកទេស Selfie ក៏គម្រោងដាក់បង្ហាញម៉ូឌែល F7/F7 Youth ក្នុងប្រទេសឥណ្ឌា នាថ្ងៃទី ២៦ មិនា ដោយរៀមច្បង F7 វិវត្តកាមេរ៉ាមុខ 25MP ប្រភេទ Autofocus បន្សំមុខងារ HDR ថែមទាំងការអាប់ដែតនូវមុខងារ AI Beauty ធ្លាប់មានប្រើលើជំនាន់ F5 ឆ្នាំទៅ។ បន្ថែមពីនេះក៏មានម៉ូឌែលធន់ទាប F7 Youth រំពឹងធូរថ្លៃជាងត្រកូល F7 និង F7 128GB ដែរ។

+Vivo V9:

គ្រោងបង្ហាញនាថ្ងៃទី ២៧ មីនា នៅទីផ្សារឥណ្ឌាតែមួយ សម្របនឹងការរចនាតួខ្លួនស្រដៀង iPhone X បន្សំអេក្រង់ផ្ទៃពេញទំហំ ៦,៣ អ៊ីញ ប្រើឈីបធន់កណ្តាល Snapdragon 626 បន្ថែម RAM 4GB/64GB ROM ជាមួយកាមេរ៉ាភ្លោះក្រោយ 16+5MP។

សម្រាប់តម្លៃមិនទាន់បង្ហើបជាសាធារណៈនៅឡើយ គ្រាន់ការលេចលឺមុននេះបន្តិចនៅទីផ្សារកម្ពុជានឹងមានដាក់លក់ជាសាធារណៈនាខែមេសាតទៅ៕