ការពិតគួរឲ្យភ្ញាក់ផ្អើលទាំង ១៤ យ៉ាងពីសេចក្ដីស្លាប់ មនុស្សភាគច្រើនមិនធ្លាប់ដឹង

2018-03-20 07:34:02
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្វីដែលមិនអាចកែប្រែបាននៅក្នុងពិភពលោកនេះ គឺជាសេចក្តីស្លាប់។ សេចក្តីស្លាប់ គឺជាអ្វីដែលមនុស្សគ្រប់គ្នាមិនអាចគេចផុតបាន មិនថាអ្នកនោះមាន ក្រ ស ខ្មៅ អាក្រក់ ឬល្អនោះទេ។

ខាងក្រោមនេះគឺជា ការពិតគួរឲ្យភ្ញាក់ផ្អើលទាំង ១៤ យ៉ាងអំពីសេចក្ដីស្លាប់ដែលអ្នកមិនធ្លាប់ដឹង ៖

១. មានមនុស្សប្រហែល ១៥៣ ០០០ នាក់ ស្លាប់ជារៀងរាល់ថ្ងៃនៅទូទាំងពិភពលោក

ក្នុងចំណោមមនុស្ស ១១៣ នាក់ មានម្នាក់ស្លាប់ជារៀងរាល់ថ្ងៃ។ ផ្អែកលើអត្រានេះ ការប៉ាន់ប្រមាណអំពីអត្រាស្លាប់ក្នុងចំណោមប្រជាជនលើពិភពលោកមានចំនួនដូចខាងក្រោម ៖

១,៧៨ នាក់ ក្នុងមួយវិនាទី
១០៧ នាក់ ក្នុងមួយនាទី
៦ ៣៩០ នាក់ ក្នុងមួយម៉ោង
១៥៣ ០០០ នាក់ ក្នុងមួយថ្ងៃ
៥៦.០ លាននាក់ ក្នុងមួយឆ្នាំ
៣,៩ ពាន់លាននាក់ ក្នុងមួយឆាកជីវិតជាមធ្យម (៧០ ឆ្នាំ)

២. ការស្លាប់ដោយសារត្រីឆ្លាម

ពិភពលោកទាំងមូល ដឹងថាត្រីឆ្លាមជាត្រីដែលមានគ្រោះថ្នាក់បំផុត។ ប៉ុន្តែអ្នកប្រាកដជាភ្ញាក់ផ្អើល នៅពេលដឹងថាក្នុងមួយឆ្នាំ មនុស្សប្រហែល ១២ នាក់បានស្លាប់ដោយសារត្រីឆ្លាម ខណៈមនុស្សសម្លាប់ត្រីឆ្លាមវិញប្រហែល ១១ ៤១៧ ក្បាលក្នុងមួយម៉ោង។

៣. សត្វដែលមិនស្លាប់

ខ្ញែរសមុទ្រ Turritopsis Dohrnii ត្រូវបានទទួលស្គាល់ជាផ្លូវការថា ជាសត្វដែលមានជីវិតអមត ក្នុងពិភពលោកនេះ។

៤. ការស្លាប់ដោយសារអក្សរដ៏គគ្រិចរបស់គ្រូពេទ្យ

តាមការសិក្សាមួយឲ្យដឹងថា ការសរសេរអក្សរខ្ជះខ្ជារបស់គ្រូពេទ្យ បានសម្លាប់មនុស្សរហូតជាង ៧ ០០០ នាក់ជារៀងរាល់ឆ្នាំ។

៥. ការឲ្យចំណីសត្វត្មាត

សហគមន៍ Zoroastrain Parsi ក្នុងប្រទេស ឥណ្ឌា តែងយកសាកសពទៅឲ្យសត្វត្មាតស៊ី ជាជាងយកទៅកប់ ឬដុតចោល។

៦. អ្នកប្រើដៃឆ្វេងភាគច្រើនស្លាប់នៅវ័យក្មេង

តាមស្ថិតិមួយឲ្យដឹងថា អ្នកប្រើដៃឆ្វេងភាគច្រើនស្លាប់លឿនជាងបីឆ្នាំ បើប្រៀបធៀបទៅអ្នកប្រើដៃស្ដាំ។

៧. សាកសពជាង ២០០ នៅលើភ្នំ Everest

ភ្នំ Everest ដែលជាភ្នំខ្ពស់បំផុតមួយក្នុងពិភពលោក ហើយមានមនុស្សជាច្រើនលាននាក់ព្យាយាមឡើងទៅលើកំពូលភ្នំជារៀងរាល់ឆ្នាំ។ ប៉ុន្តែអ្នកប្រហែលមិនដឹងទេថា មានមនុស្សជាង ២០០ នាក់ហើយ ដែលបានស្លាប់ដោយសារការឡើងភ្នំដ៏ខ្ពស់នេះ។

៨. សង្គ្រាមលោកលើកទី ២

សង្គ្រាមលោកលើកទី ២ ត្រូវបានស្គាល់ថាជាសង្គ្រាមដ៏គ្រោះថ្នាក់ និងបំផ្លិចបំផ្លាញខ្លាំងបំផុត។ ក្នុងនោះ មានមនុស្សប្រុស ៨០% ដែលកើតនៅសហភាពសូវៀតក្នុងឆ្នាំ ១៩២៣ ត្រូវបានសម្លាប់ក្នុងសង្គ្រាម។

៩. ការធ្វើអត្តឃាតច្រើនបំផុត

មនុស្សជាច្រើន បានធ្វើអត្តឃាតដោយសារតែមានបញ្ហា និងវិបត្តិដោះស្រាយមិនចេញក្នុងជីវិតរបស់ពួកគេ។ ក្នុងនោះផងដែរ ទីក្រុង New York មានអត្រាមនុស្សសម្លាប់ខ្លួនច្រើនជាងគេបង្អស់ បើប្រៀបធៀបនឹងក្រុងផ្សេងក្នុងពិភពលោក។

១០. ស្ត្រីត្រូវបានសម្លាប់ជារៀងរាល់ម៉ោងក្នុងប្រទេស ឥណ្ឌា

ថ្លៃបណ្ណាការ គឺជាបញ្ហាចម្បងមួយក្នុងប្រទេស ឥណ្ឌា។ ស្ត្រីត្រូវបានគេសម្លាប់ជារៀងរាល់ម៉ោង ដោយសារតែថ្លៃបណ្ណាការនេះ។

១១. មានមនុស្សម្នាក់ ស្លាប់ជារៀងរាល់ម៉ោងដោយសារគ្រឿងស្រវឹង

តាមតួលេខដែលបានរកឃើញក្នុងសហរដ្ឋអាមេរិក ឲ្យដឹងថា មានមនុស្សម្នាក់ស្លាប់ជារៀងរាល់ម៉ោងដោយសារតែការបើកបរក្រោមឥទ្ធិពលគ្រឿងស្រវឹង។

១២. ជារៀងរាល់ ១,៥ នាទី មានស្ត្រីម្នាក់ស្លាប់ ក្នុងអំឡុងពេលពពោះ

ដោយសារតែកង្វះខាតការព្យាបាលត្រឹមត្រូវ និងវេជ្ជសាស្ត្រ បានធ្វើឲ្យមានស្ត្រីម្នាក់ស្លាប់រៀងរាល់ ១,៥ នាទី ក្នុងអំឡុងពេលពពោះ។

១៣. កុមារ ២០ ០០០ នាក់ស្លាប់ជារៀងរាល់ថ្ងៃដោយសារការអត់ឃ្លាន

ជារៀងរាល់ថ្ងៃ ភាពក្រីក្រ និងការអត់ឃ្លាន ជាបញ្ហាដ៏គួរឲ្យព្រួយបារម្ភមួយក្នុងពិភពលោក។ អ្វីដែលគួរឲ្យភ្ញាក់ផ្អើលជាងនេះទៀត គឺមានកុមារ ២០ ០០០ នាក់ស្លាប់ដោយសារការអត់ឃ្លានជារៀងរាល់ថ្ងៃ នៅទូទាំងពិភពលោក។