លើកដំបូង ចេន ភ័យខ្លាចថាខ្លួនសម្តែងទៅភ្លាវ
- 2018-03-20 09:50:49
- ចំនួនមតិ 0 | ចំនួនចែករំលែក 0
លើកដំបូង ចេន ភ័យខ្លាចថាខ្លួនសម្តែងទៅភ្លាវ
ចន្លោះមិនឃើញ
ចេន ប្រធានក្រុមតន្រ្តី Mustache ម្ចាស់បទ «ប្រុសម្នាក់នេះសំខាន់នៅពេលណា» បានក្លាយជាតួអង្គសំខាន់មួយក្នុងរឿង «បាតដៃខ្មៅ» ដែលនឹងមានបញ្ចាំងក្នុងរោងភាពយន្តឆាប់ៗនេះហើយ។ Local
ក្នុងរឿង «បាតដៃខ្មៅ» ចេន សម្តែងជាតួ សំរិទ្ធ សុខា ដែលជាសមាជិកក្រុមបាតដៃខ្មៅ និងជាដៃសូឡូប្រចាំក្រុម។ ហើយតួ សុខា ជាមនុស្សរួសរាយ ចូលចិត្តនិយាយលេងឡេះឡេាះ ផ្តោតច្រើនទៅលើជីវិតស៊ីវីល័យ តន្រី្ត និងពូកែទំនាក់ទំនងការងារ។
តាមបទសម្ភាសន៍ខ្លីជាមួយ Sabay ចេន ប្រាប់ថា នេះជាលើកទីមួយហើយក្នុងការសម្តែង សូម្បីជាលក្ខណៈ MV ក៏មិនសូវពិបាកដូចសម្តែងរឿងដែរ។ ចេន បានរម្លឹកឈុតមួយដែលពិបាកសម្តែង និងចងចាំជាងគេ ដែលខ្លួនត្រូវបានចាប់ចង និងលុតជង្គង់ក្នុងពិធីមួយ ហើយការសម្តែងនេះត្រូវធ្វើឡើងដដែលៗជាច្រើនដង លោកថាឈុតមួយនេះពិបាកខ្លាំង និងមានការចងចាំជាងគេ។
ដោយមិនធ្លាប់សម្តែងផង ហើយមានឈុតពិបាកជាច្រើនផង ទើបចេន មានអារម្មណ៍អៀនខ្មាស ខ្លាចខ្លួនឯងសម្តែងទៅមិនល្អ មិនសម មិនអាចទទួលបានការគាំទ្រពីប្រិយមិត្ត។ «ខ្ញុំខ្លាចតែសម្តែងទៅភ្លាវៗទេ ព្រោះមិនធ្លាប់សម្តែងភាពយន្តពីមុនមកផង តែខ្ញុំចង់សាកល្បង ចង់ទទួលបានបទពិសោធន៍ថ្មី សង្ឃឹមថាប្រិយមិត្តនឹងគាំទ្រ ហើយខ្ញុំក៏នឹងព្យាយាមបន្ថែមជាងនេះទៀតដែរ» ចេន បន្ថែម។
ចេន បន្តទៀតថា ការសម្តែងត្រូវផ្លាស់ប្តូរអារម្មណ៍តាមតួនៃសាច់រឿងច្រើន មានត្រូវភ័យ ស្រែក និងមានអ្វីប្លែកៗច្រើនទៀត ហើយសម្តែងច្រើនដងណាស់ទម្រាំហើយ ម្យ៉ាងនេះជាលើកដំបូងផង ក៏កាន់តែធ្វើឱ្យ ចេន មានអារម្មណ៍ តឹងតែងជាងធម្មតាដែរ។ តែតារាចម្រៀង Original Song រូបនេះបន្តថាខ្លួននឹងព្យាយាមឱ្យបានល្អជាងនេះបើមានឱកាសសម្តែងម្តងទៀត៕
សូមតាមដានព័ត៌មានបន្តពីរឿង «បាតដៃខ្មៅ» ខាងក្រោម៖
ហ្វេសប៊ុកផ្លូវការរឿង «បាតដៃខ្មៅ»