Pogba ចង់លេងជាមួយ Neymar នៅថ្ងៃណាមួយ
- 2018-03-20 09:14:35
- ចំនួនមតិ 0 | ចំនួនចែករំលែក 0
Pogba ចង់លេងជាមួយ Neymar នៅថ្ងៃណាមួយ
ចន្លោះមិនឃើញ
Paul Pogba បានលើកសរសើរពីកីឡាករ Neymar ខ្សែប្រយុទ្ធរបស់ Paris Saint-Germain និងមានចិត្តចង់លេងជាមួយគ្នានៅថ្ងៃណាមួយ។
អំឡុងពេល Pogba លេងនៅ Juventus ហើយ Neymar លេងនៅ Barcelona កីឡាករសញ្ជាតិប្រេស៊ីល ធ្លាប់លើកឡើងថា ពួកគេគួរតែទទួលឱកាសលេងជាមួយគ្នា។ ហើយពេលនេះ Pogba ក៏បង្ហាញបំណងចង់ចាប់ដៃគូជាមួយ Neymar ដូចគ្នា ប្រសិនមានឱកាស។
ក្នុងកិច្ចសម្ភាសន៍មួយកីឡាករជម្រើសជាតិបារាំងបាននិយាយថា៖ "ត្រូវហើយ Neymar ខ្ញុំក៏ចូលចិត្តគេដូចគ្នា។ ខ្ញុំចូលចិត្តមើលគេលេងក្នុងទីលាន ជាមួយបច្ចេកទេសនិងលទ្ធភាពរបស់គេ។ នៅពេលដែលយើងនិយាយឈ្មោះ Neymar ទៅកាន់ជុំវិញពិភពលោក គ្រប់គ្នាប្រាកដជាស្គាល់ ថាគេជានរណា។ ដូច្នេះប្រសិនខ្ញុំអាចលេងជាមួយគេនៅថ្ងៃណាមួយ វាជារឿងដ៏រីករាយ"៕