ហ៊ឹម ស៊ីវន នឹកស្រណោះមិត្តរួមជំនាន់ ខណៈថតកម្មវិធីចូលឆ្នាំសម្បូរក្មេងស្រករក្រោយ
- 2018-03-21 08:18:56
- ចំនួនមតិ 0 | ចំនួនចែករំលែក 0
ហ៊ឹម ស៊ីវន នឹកស្រណោះមិត្តរួមជំនាន់ ខណៈថតកម្មវិធីចូលឆ្នាំសម្បូរក្មេងស្រករក្រោយ
ចន្លោះមិនឃើញ
តារាចម្រៀងជើងចាស់ អ្នកស្រី ហ៊ឹម ស៊ីវន បានបង្ហាញនូវទឹកចិត្តនឹករលឹកដល់មិត្តរួមជំនាន់ដែលធ្លាប់តែជួបជុំគ្នាថតបទចម្រៀងពេលកម្មវិធីបុណ្យចូលឆ្នាំ ខណៈឆ្នាំនេះសម្បូរសិល្បករក្មេងៗ។ អ្នកស្រីថ្លែងបែបនេះក្នុងការជួបជុំសិល្បករថតកម្មវិធីសម្រាប់អបអរពិធីបុណ្យចូលឆ្នាំខ្មែរ នៅស្ថានីយទូរទស្សន៍ CTN កាលពីពេលថ្មីៗនេះ។
តារាចម្រៀងសំឡេងស្រទន់រូបនេះបង្ហើបថា នៅពេលដែលចូលរួមកម្មវិធី អបអរសាទរចូលឆ្នាំថ្មី គឺពីមុនតែងតែបានជួបជុំគ្នា។ ប៉ុន្តែពេលនេះអ្នកស្រីបានជួបមិត្តសិល្បៈ២ឬ៣នាក់ប៉ុណ្ណោះដែលចូលរួម។ អ្នកស្រីបន្តថា ពេលដែលបាត់គ្នាចាស់ៗអស់ មានអារម្មណ៍ថានឹកមិត្តសិល្បៈរួមជំនាន់ខ្លាំង។
អ្នកស្រី ហ៊ឹមស៊ីវន ថា ៖«ខ្ញុំមានអារម្មណ៍ដូចខ្វះអីម្យ៉ាង ទៅពេលដែលមិនបានជួបជុំគ្នា! អាចមកពីអ្នកខ្លះវ័យគាត់ច្រើន និងជាប់រវល់ជាដើម ខ្ញុំស្ដាយដែរព្រោះមិនបានជួបជុំគ្នា អីចឹងទៅដូចបាត់គ្នីគ្នាអស់ ដល់ពេលចូលរួមឃើញចាស់តែឯង មានអារម្មណ៍នឹកគ្នាណាស់ ដល់អីចឹងទៅដូចជាអៀនខ្លួនដែរ»។
ដៃគូចម្រៀងជំនាន់អ្នកស្រី ហ៊ឹម ស៊ីវន រួមមាន លោក ណយ វ៉ាន់ណេត អៀង ស៊ីធុល សួស សងវាចា អ្នកស្រី សួន ចន្ថា និងអ្នកនាង ម៉េង កែវពេជ្ជតា ជាដើម៕