បំបែកឯកត្តកម្មពីពលករតូចតាច ស្ត្រីខ្មែរទី១ក្លាយជាប៉ូលិសឆ្នើមនៅកូរ៉េខាងត្បូង

2018-03-21 05:02:11
ចំនួនមតិ 0 | ចំនួនចែករំលែក 0

ចន្លោះមិនឃើញ

តស៊ូតាំងពីពលករតូចតាច រហូតក្លាយជាប៉ូលិសស្រីនៅកូរ៉េខាងត្បូង គឺមិនមែនជារឿងធម្មតាឡើយ សម្រាប់ស្ត្រីខ្មែរមួយរូប។

អ្នកស្រីម៉ារ៉ា កណ្ដាល (រូបភាពផ្ដល់ឲ្យ)

អ្នកស្រី ម៉ារ៉ា ជាស្ត្រីខ្មែរទីមួយដែលបានចូលកាន់តំណែងជាប៉ូលិសស្រីទី១ នៅក្នុងតំបន់វ៉នកុកតុង ទីក្រុងអានសាន នៃសាធារណរដ្ឋកូរ៉េខាងត្បូង។ នេះអាចនិយាយបានថា ជាប្រវត្តិសាស្ត្រសម្រាប់ពលករតែម្ដង ដែលវិវត្តន៍ខ្លួនស្ទើរមិនគួរឲ្យជឿ។

(រូបភាពផ្ដល់ឲ្យ)

ប្រភពពីពលករខ្មែរ១រូបដែលធ្លាប់ធ្វើការជាមួយអ្នកស្រី ម៉ារ៉ា សុំមិនបញ្ចេញឈ្មោះដែលកំពុងធ្វើការនៅប្រទេសកូរ៉េខាងត្បូងបានប្រាប់Sabayតាមសារអេឡិចត្រនិក នៅព្រឹកនេះថា ពីដំបូងទ្បើយ អ្នកស្រី ម៉ារ៉ា គឺជាពលករធម្មតាម្នាក់តែប៉ុណ្ណោះ។ ក្រោយមកអ្នកស្រីម៉ារ៉ា បានរៀបការជាមួយបុរសកូរ៉េម្នាក់ដែលជាអ្នកមានមុខមាត់ម្នាក់ ហើយក៏បានចូលសញ្ជាតិកូរ៉េទៀតផង។

ដោយសារមានចំណេះដឹងទូទៅ និងភាសាបរទេស ច្រើនគួរសមបូកផ្សំជាមួយសមត្ថភាពផ្នែកទំនាក់ទំនងផងនោះ អ្នកស្រីម៉ារ៉ា ខិតខំតស៊ូធ្វើការ រហូតវិវត្តន៍ខ្លួន ក្លាយជាប៉ូលិសស្រីខ្មែរដំបូងគេនៅប្រទេសរីកចម្រើន។

(រូបភាពផ្ដល់ឲ្យ)

សូមបញ្ជាក់ថាសមាជិកប៉ូលិសដែលអាចចូលធ្វើការនៅក្នុងតំបន់វ៉នកុកតុងនោះសុទ្ធសឹងតែជាមនុស្សមានកេរ្តិ៍ឈ្មោះល្បីលំដាប់ប្រទេសកូរ៉េ។ ក្នុងនោះមានដូចជាអតីតតារាK-POPរបស់ប្រទេសកូរ៉េខាងត្បូងកាលពីឆ្នាំ២០០៥ដូចជាKim Hyun-joongនិងHeo Young-saengគឺក្រុមSS501 ជាដើម។

យ៉ាងណាក្ដីជុំវិញប្រវត្តិរឿងរ៉ាវតស៊ូរបស់ស្ត្រីកម្ពុជារូបនេះ Sabay នឹងលម្អិតនៅបន្ទាប់ទៀត ដោយខណៈនេះនៅមិនអ្នកស្រី កំពុងជាប់បំពេញភារកិច្ចនៅឡើយ មិនទាន់អាចផ្ដល់បទសម្ភាសបាន៕

អត្ថបទ៖ ពៅ រក្សា