មូលហេតុពិតប្រាកដនៃការចែកផ្លូវគ្នារវាង Zayn Malik និង Gigi Hadid

2018-03-22 09:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សប្ដាហ៍មុន តារាចម្រៀង Zayn Malike និង តារាម៉ូដែលGigi Hadid បានធ្វើឲ្យអ្នកគាំទ្រមានការភ្ញាក់ផ្អើលចំពោះដំណឹងបញ្ចប់ទំនាក់ទំនងស្នេហារបស់ពួកគេ ក្រោយចំណាយពេលជាមួយគ្នាអស់រយៈពេល ២ឆ្នាំ។

បើទោះបីជាតារាទាំង ២ដួងនេះ បាននិយាយថាពួកគេសម្រេចចិត្តចែកផ្លូវគ្នាដោយសន្តិវិធីក៏ដោយ ក៏ថ្មីៗនេះ ព័ត៌មានបានបង្ហាញពីហេតុផលពិត ដែលធ្វើឲ្យពួកគេសម្រេចចិត្តជ្រើសរើសយកផ្លូវបញ្ចប់នេះ។

តាមទស្សនាវដ្ដី Closer បានឲ្យដឹងថា តារាចម្រៀង Zayn បានរក្សាគម្លាតឆ្ងាយពីតារាម៉ូដែល Gigi Hadid ព្រោះតែពួកគេមានគំនិតមិនចុះសម្រុងគ្នា។

តាមប្រភពមួយបាននិយាយថា៖ "Zayn ជាមនុស្សមិនសូវចេះនិយាយស្ដី វាគឺផ្ទុយគ្នាពី Gigi។ ជាទូទៅ លោកទាក់ទងតែជាមួយមនុស្សខាងក្រៅ និងចូលចិត្តការងារសិល្បៈ។ លោកមិនសូវត្រូវជាមួយមិត្តរបស់ Gigi ក្នុងសិល្បៈទេ ហើយទាំងនេះជាហេតុផលដែលធ្វើឲ្យពួកគេមានជម្លោះជាមួយគ្នា។ Zayn ជាអ្នកចង់បញ្ចប់មុន ក្រោយពីមានជម្លោះជាច្រើនរួចមក ទាំងនេះហើយបានធ្វើឲ្យ Gigi មិនសប្បាយចិត្ត ទោះបីជានាងនិយាយថា លាគឺជាការសម្រេចចិត្តដ៏ត្រឹមត្រូវក៏ដោយ"។

ក្រោយពីសម្រេចចិត្តចែកផ្លូវគ្នា តារាម៉ូដែល Gigi Hadid បានបង្ហោះសារប្រកាសពីការផ្ដាច់ទំនាក់ទំនងរបស់នាងជាសាធារណៈលើបណ្ដាញសង្គម Twitter។ តារាចម្រៀង Zayn Malik ក៏បានទទួលស្គាល់ពីការចែកផ្លូវគ្នានេះលើបណ្ដាញសង្គមមួយនេះផងដែរ៕

ចុចអាន៖

ប្រភព៖ Kenh14 ប្រែសម្រួល៖ អន សុភក្ត្រា