អស្ចារ្យណាស់! ចិនគ្រោងបញ្ចប់ការសាងសង់ សណ្ឋាគារផ្កាយប្រាំក្រោមដីឆាប់ៗនេះ

2018-03-23 02:11:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសាងសង់សណ្ឋាគារប្រណីតមួយ កម្ពស់ ៨០ ម៉ែត្រនៅកន្លែងយកថ្មនៃទីក្រុងសៀងហៃ នឹងបញ្ចប់ជាស្ថាពរក្នុងពេលឆាប់ៗនេះ។

យោងតាមកាសែតចិនមួយឲ្យដឹងថា សណ្ឋាគារ Shimao Wonderland InterContinental Quarry ត្រូវបានសាងសង់អស់រយៈពេលជិត ៦ ឆ្នាំហើយ បើគិតមកទល់ពេលនេះ។ សំណង់មហិមានេះ ត្រូវគេរំពឹងថានឹងចំណាយទឹកប្រាក់អស់ ១៥៧ លានដុល្លារ ដែលមានបន្ទប់ចំនួន ៣៨០ និងកម្ពស់រហូតដល់ ១៩ ជាន់។

ជាមួយគ្នាផងដែរ ការសាងសង់ទាំងមូលត្រូវធ្វើឡើងដោយក្រុមស្ថាបត្យករ, វិស្វករ, អ្នករចនា និងកម្មករចំនួន ៥ ពាន់នាក់ឯណោះ។

នៅពេលការសាងសង់បញ្ចប់ជាស្ថាពរ សណ្ឋាគារនេះរំពឹងថានឹងមានភ្ញៀវទេសចរ ៥០ ម៉ឺននាក់ជារៀងរាល់ឆ្នាំ។ ទោះយ៉ាងណាក៏ដោយ មិនមានកាលបរិច្ឆេទជាក់លាក់ សម្រាប់ការបញ្ចប់ការសាងសង់នោះទេ ប៉ុន្តែប្រធានវិស្វករនៃគម្រោងនេះ រំពឹងថាវានឹងបញ្ចប់ការសាងសង់ក្នុងឆ្នាំ ២០១៨ នេះ៕