ស្ងាត់ៗ យីហោរថយន្តកូរ៉េធំមួយទៀត កំពុងបង្កើតរោងចក្រដំឡើងរថយន្តនៅកម្ពុជា

2018-03-23 09:13:07
ចំនួនមតិ 0 | ចំនួនចែករំលែក 0

ចន្លោះមិនឃើញ

SsanYoung ដែលជាក្រុមហ៊ុនផលិតរថយន្តធំលំដាប់ទី ៤ របស់កូរ៉េបានបើករោងចក្រដំឡើងរថយន្តនៅកម្ពុជា កាលពីពេលថ្មីៗនេះ។

ការទម្លាយព័ត៌មាននេះ បន្ទាប់ពីលោកគុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករបានចូលរួមបើកពិព័រណ៍រថយន្តដែលធ្វើឡើងនៅផ្សារទំនើប Aeon Mall នៅព្រឹកមិញនេះ។

លោកគុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករបានឲ្យដឹងថា ការមកដល់របស់ SsanYong មិនមែនជាក្រុមហ៊ុនទីមួយ ដែលបានវិនិយោគបើករោងចក្រដំឡើងរថយន្តនៅក្នុងប្រទេសកម្ពុជា។

លោកបានលើកពីក្រុមហ៊ុន Hyundai ដែលកំពុងដំណើរការរោងចក្រដំឡើងរថយន្តនៅខេត្តកោះកុង និងក្រុមហ៊ុនចិនមួយចំនួនទៀត ដែលគ្រោងឈានទៅបើករោងចក្រដំឡើងរថយន្តនៅពេលខាងមុខ។

លោកថា រដ្ឋាភិបាលលើកទឹកចិត្តជំរុញក្រុមហ៊ុនរថយន្តធំៗមកវិនិយោគរោងចក្រនៅកម្ពុជា តាមរយៈការអនុគ្រោះពន្ធ និងការផ្តល់ការគាំទ្រដទៃទៀត។

លោក ហរ ជុនជេ អ្នកគ្រប់គ្រងប្រចាំសាខារបស់ក្រុមហ៊ុន daehonggroup ដែលគ្រប់គ្រងម៉ាកយីហោរថយន្ត SsangYoung ទទួលស្គាល់ចំពោះវត្តមានរោងចក្រ Ssanyoung នៅកម្ពុជា។

លោកថា រោងចក្រដែលក្រុមហ៊ុនទើបដំណើរការកាលពីចុងឆ្នាំ ២០១៧ នេះមានទីតាំងស្ថិតនៅក្នុងទីក្រុងបាវិតខេត្តស្វាយរៀង។ យ៉ាងណាលោកសុំមិនផ្ដល់ព័ត៌មានបន្ថែម ជុំវិញដំណើរការរោងចក្ររបស់ក្រុមហ៊ុន។

នៅព្រឹកមិញនេះមានការបើកពិព័រណ៍រថយន្តរយៈពេល ៣ ថ្ងៃ ដែលមានការចូលរួមពីក្រុមហ៊ុនធំៗដូចជា Porsche, Honda, Nissan, Izuzu, Sangyoung, Mitsubishi និង Foton។

ការរៀបចំពិព័រណ៍ដែលមានម៉ាកយីហោចម្រុះពេលនេះ គោលដៅដើម្បីផ្សព្វផ្សាយពីអត្ថប្រយោជន៍ការទិញរថយន្តពីក្រុមហ៊ុនផ្លូវការ។

លោក Michael Vetter តំណាងមកពីសហព័ន្ធឧស្សាហកម្មយានយន្តកម្ពុជា (CAIF) ឲ្យដឹងថា ស្ថានភាពកម្ពុជាបច្ចុប្បន្នខុសពីប៉ុន្មានឆ្នាំមុន។ ពលរដ្ឋមានជម្រើសកាន់តែច្រើន ក្នុងការជ្រើសរើសរថយន្តដែលខ្លួនពេញចិត្ត។

យ៉ាងណាលោកថា អ្នកប្រើប្រាស់ត្រូវធ្វើការសម្រេចចិត្តដ៏ឆ្លាតវៃ ដោយគិតគូរលើសុវត្ថិភាពជាចម្បង។

កម្ពុជាត្រូវគេមើលឃើញថា ទីផ្សាររថយន្តនៅតូចនៅឡើយបើធៀបប្រទេសក្នុងតំបន់។ ការប្រើប្រាស់រថយន្តជាទូទៅជាង ៩០ ភាគរយគ្របដណ្ដប់ដោយរថយន្តមួយទឹក។

ខាងនាយកដ្ឋានគយ និងរដ្ឋាករកម្ពុជា អះអាងថា ចំណូល ៤០% បានពីការនាំចូលយានយន្តនេះឯង ដោយក្នុងមួយឆ្នាំ កម្ពុជានាំចូលរថយន្តសរុប ចន្លោះពី ៦-៧ម៉ឺនគ្រឿង ហើយ ក្បែរ ៥ម៉ឺនគ្រឿង ជាប្រភេទទំនិញជជុះ។

អត្ថបទ៖ ប៊ុណ្ណារ៉ា

ពាក្យទាក់ទង

អត្ថបទសំខាន់ ព័ត៌មានបច្ចេកវិទ្យាក្នុងស្រុក

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York