ភាពខុសគ្នា "មុន" និង "ក្រោយ" ការចូលបម្រើកងទ័ព របស់តារាកូរ៉េទាំង៦ដួង

2018-03-23 14:03:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ការចូលបម្រើកងទ័ពគឺពិតជាអាចផ្លាស់ប្ដូរពីតារាវ័យក្មេងមានផ្ទៃមុខដូចកូនង៉ែត ឲ្យទៅជាបុរសសង្ហានិងមានភាពជឿជាក់។ ខាងក្រោមនេះ គឺតារាទាំង៦ដូងដែលបង្ហាញពីភាពខុសគ្នាមុននិងក្រោយចូលបម្រើកងទ័ព។

១. តារា Lee Seung Gi

តារារូបនេះគឺបានចូលបម្រើកងទ័ពនៅដើមឆ្នាំ២០១៦ ហើយត្រូវគេចាត់ឲ្យចូលផ្នែកកម្លាំងពិសេសដែលតម្រូវឲ្យមានការហ្វឹកហាត់ការហោះហើរ។ ពិតជាចៃដន្យខ្លាំង តារាដែលខ្លាចភាពខ្ពស់បំផុតរូបនេះ គឺត្រូវបង្ខំឲ្យជម្នះភាពលំបាកផ្សេងៗជាច្រើនក្នុងកំឡុងពេលនោះ។

បន្ទាប់ពីបានចូលបម្រើកងទ័ព លោក Lee Seung Gi បានសរសេរសំបុត្រទៅកាន់អ្នកគាំទ្រលោកថា ក្នុងកំឡុងពេលបម្រើកងទ័ព២ឆ្នាំនេះ គឺរូបលោកផ្ទាល់បានរៀនសូត្រស្វែងយល់់ពីខ្លួនឯងបានច្រើន។ តារារូបនេះបានឲ្យដឹងថា កាលពីលោកនៅអាយុខ្ទង់២០ឆ្នាំគឺជួបរឿងតិចតួច និងតែងមានអារម្មណ៍នឿយហត់ ។ យ៉ាងណាមិញ បន្ទាប់ពីចូលបម្រើកងទ័ពមក តារា Lee Seung Gi យល់ថា វាឆាប់ពេកហើយដែលត្រូវមានអារម្មណ៍នឿយហត់ទាំងក្មេងយ៉ាងនេះ ព្រោះថារូបលោកត្រូវមានដំណើរទៅមុខវែងឆ្ងាយទៀត។

២. តារាសម្ដែង Yoo Seung Ho

តារាសម្ដែងរូបនេះបានដើរតួសម្ដែងទាំងវ័យក្មេង ហើយល្បីខ្លាំងក្នុងរឿង Missing You ។ តារារូបនេះ បានសម្រេចចិត្តចូលបម្រើកងទ័ពក្នុងអាយុ១៩ឆ្នាំ គឺនៅឆ្នាំ២០១៣។

បន្ទាប់ពីបានបំពេញកាតព្វកិច្ចមក តារា Yoo Seung Ho បានគិតយល់អ្វីៗជាច្រើន ដូចជា តារារូបនេះគិតពីការងារពេលអនាគតថា លោកចង់ក្លាយជាតារាសម្ដែងម្នាក់ដែលអាចផ្ដល់សុភមង្គលឲ្យអ្នកដទៃ។

៣. តារាសម្ដែង Song Joong Ki

តារាសម្ដែង Song Joong Ki ត្រូវបានឃើញក្នុងឯកសណ្ឋានកងទ័ពតាមរយៈរឿង Descendants of the Sun ។ តែតារារូបនេះបានបញ្ចប់ការបម្រើកងទ័ពតាំងពីឆ្នាំ២០១៥ម្ល៉េះ។

បន្ទាប់ពីចូលបម្រើកងទ័ព តារារូបនេះ បានបាត់បង់មុខកូនង៉ែត ហើយមានភាពមាំមួន ដែលត្រៀមជាស្រេចមកសម្ដែងរឿងធ្វើជាទាហានតែម្ដង។

៤. តារាចម្រៀង Donghae ក្នុងក្រុម Super Junior

តារារូបនេះ ចាប់ផ្ដើមបម្រើកងទ័ពជួនពេលគ្នានឹងតារាចម្រៀង Euhyuk ក្នុងក្រុមជាមួយគ្នាដែរ គឺនៅឆ្នាំ២០១៥។

តារា Donghae ត្រូវបានចាត់ឲ្យធ្វើជាមន្ត្រីប៉ូលិសនៅទីក្រុងសេអ៊ូល។

បន្ទាប់ពីបញ្ចប់កាតព្វកិច្ច អ្នកគាំទ្រជាច្រើនបានមករងចាំតារាចម្រៀងរូបនេះនៅមុខកន្លែងធ្វើការ Seoul Metropolitan Police Agency ព្រោះតែខានឃើញមុខ២ឆ្នាំហើយ។

៥. តារាចម្រៀង Eunhyuk ក្នុងក្រុម Super Junior

តារាចម្រៀង Eunhyuk ចូលបម្រើកងទ័ពនៅខែតុលា ឆ្នាំ២០១៥។

បន្ទាប់ពីចូលបម្រើកងទ័ពមក តារាក្នុងក្រុម Super Junior រូបនេះ បានបរិច្ចាគប្រាក់ប្រមាណ ២៦,០០០ ដុល្លារទៅជួយអ្នកញ៉ាំបួសក្នុងក្រុមកងទ័ព។

៦. តារាចម្រៀង Yunho ក្នុងក្រុម TVXQ

តារាចម្រៀងរូបនេះ បានបំពេញកាតព្វកិច្ចបម្រើកងទ័ពរួច នៅខែមេសា ឆ្នាំ២០១៧។ ក្នុងការបំពេញការងារកងទ័ពនេះ តារារូបនេះបានជ្រើសរើសយកការហ្វឹកហាត់ពិសេស ហើយក៏ត្រូវបានតែងតែជាកងទ័ពពិសេសដែរ៕