មាន GoPro ចង់ថតវីដេអូស្អាតទាក់ភ្នែក ទាល់ចេះចេះតិកនិកខ្លះ

2018-03-25 23:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាមេរ៉ា GoPro ផលិតវីដេអូបានល្អ ជាពិសេសវីដេអូប្រភេទសកម្មភាព បូកផ្សំនឹងទំហំតូច ស្រាល ងាយស្រួលភ្ជាប់នឹងឧបករណ៍នានា ក្នុងការបង្កើតមុំទិដ្ឋភាព។ តែដើម្បីឲ្យវីដេអូមានលក្ខណៈលេចធ្លោ ក៏ត្រូវមានចេះតិកនិកខ្លះ។

ដាក់ភ្ជាប់កាមេរ៉ានឹងឧបករណ៍នានា

អ្នកគួរសាកល្បងដាក់ភ្ជាប់កាមេរ៉ានៅកន្លែងផ្សេងៗ ដើម្បីកំណត់ប្លង់ល្អបំផុត ជាមួយមុំនិងសកម្មភាពអ្នកចង់បាន។ឧទាហរណ៍ កាមេរ៉ាដាក់ភ្ជាប់នឹងមួក ពេលជិះកង់ ផ្ដល់ទិដ្ឋភាព ភ្នែកអ្នកជិះកំពង់សម្លឹងមើលទៅខាងមុខ ឬខាងក្រោយ។

ស្វែងរកមុំថ្មី

GoPro ផ្ដល់មុំទិដ្ឋភាពធំទូលាយ ងាយស្រួលក្នុងការថតសកម្មភាព តែអ្នកពុំគួរពឹងលើទម្រង់ដើមស្រាប់នោះឡើយ។

អ្នកគួរផ្លាស់ប្ដូរទីតាំង ក៏ដូចជាមុំទិដ្ឋភាព នេះនឹងធ្វើឲ្យអ្នកមើលកាន់តែពេញចិត្ត។ កាមេរ៉ា GoPro មានជម្រើសតម្រឹមមុំទិដ្ឋភាព ១៧០, ១២៧ និង ៧៩ ដឺក្រេ។ Hero6 Black ថែមទាំងអាចឲ្យអ្នក Touch ពង្រីកទិដ្ឋភាពផងដែរ។ ជារួម គួរប្រាកដថា វីដេអូមានប្លង់ទិដ្ឋភាពខុសៗគ្នា ដើម្បីបង្កើនការចាប់អារម្មណ៍ពីអ្នកទស្សនា។

ប្រើ Filter ពង្រឹងគុណភាពវីដេអូ

អ្នកគួរប្រើបន្ទះ Filter ដាក់ពីមុខ Lens អាចកែប្រែពន្លឺចូល GoPro ដើម្បីជួយសម្រួលតុល្យភាពពណ៌ ដូចជា Neutral Density (ND) filter ជាដើម។

ពេលអ្នកថតវីដេអូក្រោមទឹក អាចប្រើបន្ទះ Filter ពណ៌ក្រហម ជួយលុបបំបាត់កម្រិតពណ៌ខៀវលាយបៃតង ក្នុងទិដ្ឋភាពធ្វើឲ្យទិដ្ឋភាពប្លែកមួយបែប។

រក្សាលំនឹង

GoPro ម៉ូដែលថ្មី ដូចជា Hero6 Black មានមុខងារទប់លំនឹងបានយ៉ាងល្អ តែមានដែនកំណត់ចំពោះកម្រិត Resolution និងល្បឿន Frame rate។

អ្នកនៅតែគួរប្រើ Tripod ដែលអាចបង្វិលប្ដូរប្លង់បានងាយស្រួល ជាជំនួយ ដោយមិនតម្រូវទំហំធំនោះទេ ដោយសារ កាមេរ៉ា GoPro មានទំហំតូច ស្រាល។ ឬអ្នកអាចប្រើ Gimbal ជំនួយ ព្រោះវាប្រើម៉ូទ័រចាប់ចលនាការបម្លាស់ទីបានរលូនល្អ។

អ្នកក៏អាចកែលំនឹងលើកម្មវិធីក្រោយថតបានដែរ ជាមួយ កម្មវិធី Final Cut Pro របស់ Apple ឬ Adobe Premiere។ នេះតម្រូវឲ្យអ្នកតម្រឹមផ្នែកខ្លះចោល ដូច្នេះគួរប្រាកដថាវីដេអូអ្នកថតកម្រិត Resolution ខ្ពស់ ដូចជា GoPro Hero6 Black អាចថតកម្រិត ៤K ល្បឿន ៦០ Frames ក្នុងមួយវិនាទី។

កែប្រែ Settings ដោយខ្លួនឯង

Settings ស្វ័យប្រវត្តិលើកាមេរ៉ា GoPro ដំណើរការបានយ៉ាងល្អ តែការកែប្រែខ្លួនឯងសម្របតាមស្ថានភាពនឹងធ្វើឲ្យការផលិតកាន់តែល្អប្រសើរ។

Hero6 Black អាចថតបានកម្រិត 4K ងាយស្រួលធ្វើការកាត់តពេលក្រោយ។ តែ Resolution កាន់តែខ្ពស់ មានន័យថា ទំហំ File កាន់តែធំ និងតម្រូវកុំព្យូទ័រមានសមត្ថភាពខ្ពស់កាត់តផងដែរ។

ការជ្រើសរើសល្បឿន Frame rate ក៏សំខាន់ដែរ។ ឧទាហរណ៍ ល្បឿន ៦០ Frame ក្នុងមួយវិនាទី ផ្ដល់នូវភាពលម្អិត ហ្មត់រលោង ខណៈ ២៤ Frame ក្នុងមួយវិនាទី ជាស្តង់ Frame rate សម្រាប់ផលិតវីដេអូ។

បើពិបាកជ្រើសរើស អ្នកអាចប្រើ ល្បឿន Frame rate ខ្ពស់ ៦០ Frame ក្នុងមួយវិនាទី សម្រាប់ស្ថានភាពភ្លឺ សកម្មភាពលឿន ឬ Slow-motion ហើយទម្លាក់ត្រឹម ៣០ Frame ក្នុងមួយវិនាទីសម្រាប់ស្ថានភាពងងឹត ឬសកម្មភាពយឺត។ យ៉ាងណាមិញ ល្បឿន ២៤ Frame rate ក្នុងមួយវិនាទី ល្អបំផុតសម្រាប់ផលិតវីដេអូ។

ប្រើមុខងារ Protune

Hero4 Black និងម៉ូដែលថ្មីៗ មានមុខងារ Protune អាចឲ្យអ្នកគ្រប់គ្រងលើ White Balance, Saturation, Exposure, ISO។ ឧទាហរណ៍ ពេលស្ថានភាពភ្លឺ អ្នកអាចបន្ថយកម្រិត Exposure compensation ទៅ -១ ដើម្បីជួយសម្រួលកម្រិតពន្លឺក្នុងទិដ្ឋភាពបានល្អប្រសើរ។

មុខងារ Burst និង Time-lapse

GoPro ម៉ូដែលមួយចំនួនមានមុខងារ Burst និង Time-lapse mode អាចជួយធ្វើឲ្យការថតវីដេអូកាន់តែល្អប្រសើរ។ Burst Mode អាចឲ្យអ្នកបន្សំរូបភាពជាច្រើន ចូលគ្នាបង្កើនជាសកម្មភាពបន្តបន្ទាប់។ Time Lapse និង Night Lapse mode អាចបង្កើតចលនាទិដ្ឋភាពលឿនបាន រួមជាមួយ Night Photo Mode សម្រាប់ប្រើថតជាមួយ Long Exposure។

មានគម្រោងសាច់រឿង

សាច់រឿងល្អមួយ ជាឆ្អឹងខ្នងរបស់វីដេអូដ៏គួរឲ្យចាប់អារម្មណ៍។ អ្នកគួរមានពង្រាងគម្រោងខ្លះៗ ពេលចាប់ផ្ដើម កំឡុងពេល និងចំណុចបញ្ចប់។ ការកំណត់ប្លង់ មុំទិដ្ឋភាព បូកផ្សំនឹងបច្ចេកវិទ្យា ព្រមទាំងភាពងាយស្រួលរបស់ GoPro អាចធ្វើឲ្យអ្នកផលិតវីដេអូកាន់តែល្អ៕

វីដេអូ៖