ក្រុមហ៊ុនហ្គេមធំៗ ៣ នឹងដើរតាមគន្លង Fornite ក្រោយឃើញផ្ទុះភាពល្បីល្បាញខ្លាំង

2018-03-23 12:33:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ការពេញនិយមនៃប្រភេទហ្គេមបាញ់ប្រហារ Battle Royale របស់ Fornite កាលពីប៉ុន្មានថ្ងៃមុន បានជំរុញចិត្តឲ្យក្រុមហ៊ុនផលិតហ្គេមជាច្រើនទៀត បែរយុទ្ធសាស្ត្រងាកមកកេងផលប្រយោជន៍តាមវិធីនេះវិញ។

ទំហំអ្នក Search ស្វែងរកហ្គេម Fortnite នៅលើគេហទំព័រ Google បានកើនឡើងខ្ពស់ជាងហ្គេម Minecraft នាសប្តាហ៍មុន សម្របនឹងភាពល្បីល្បាញផ្ទួនគ្នារបស់ PUBG ផងនោះ ក្រុមហ៊ុន Piper Jaffray បានបញ្ជាក់ដូច្នោះថា៖ "តាមការប៉ាន់ប្រមាណផលចំណេញរបស់ Fornite នឹងជំរុញឲ្យក្រុមហ៊ុនកំពូលដូចជា Electronic Arts, Activision Blizzard ក៏ដូចជា Take-Two ប្រញាប់ប្រញាល់មកអភិវឌ្ឍលើហ្គេមប្រភេទនេះ"។

តាមន័យនេះ ទម្រង់ Battle Royale នឹងបន្ថែមទៅក្នុងហ្គេម Call of Duty, Overwatch, Battlefield, Anthem និង Red Dead Redemption 2 អំឡុងត្រីមាសទី ២ ឆ្នាំ ២០១៨ ឬដើមឆ្នាំ ២០១៩។

រូបតំណាងហ្គេម Fortnite លើស្មាតហ្វូន

គូសបញ្ជាក់ថា Fornite ទើបតែបើកឲ្យលេងដោយឥតគិតថ្លៃលើស្មាតហ្វូន ក្នុងជំនាន់ Beta ដោយមានវគ្គដូចលើម៉ាស៊ីន PSG 4 ឬ Xbox One ដែលតម្រូវឲ្យអ្នកលេង ១០០ នាក់ចូលទៅក្នុងវគ្គតែមួយ ហើយព្យាយាមបាញ់សម្លាប់គ្នា រហូតរកឃើញអ្នកមានជីវិតចុងក្រោយគេបង្អស់ នោះជាអ្នកឈ្នះ។