អ្នកទេសចរក្លាហានរាប់រយនាក់សម្រុកឡើងលើស្ពានកញ្ចក់វែងបំផុតលើពិភពលោក

2018-03-24 04:03:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ពានកញ្ចក់ថ្មើរជើងទើបបើកសម្ភោធថ្មីៗនេះបានស្វាគមន៍ភ្ញៀវទេសចរចំនួន ២០ ០០០ នាក់ ក្នុងមួយថ្ងៃ ដែលសង្ឃឹមថានឹងបានរីករាយជាមួយទស្សនីយភាពដ៏រំភើបនៅកម្ពស់ ២៣០ ម៉ែត្រ។

រូបភាពថតកាលពីថ្ងៃទី ២០ មីនា បង្ហាញ ទីកន្លែងទាក់ទាញភ្ញៀវទេសចរដ៏ពេញនិយមនៅខេត្តហឺប៉ីនេះពិតជាមមាញឹកខ្លាំងណាស់ដល់ថ្នាក់មនុស្សម្នាទាំងនោះប្រជ្រៀតគ្នាមើលពុំឃើញកញ្ចក់នៅបាតស្ពាននោះឡើយ។

ស្ពានប្រវែង ៤៨៨ ម៉ែត្រនៅតំបន់ទេសភាពហុងយ៉ាគូនេះ បានបើកជាសាធារណៈកាលពីខែធ្នូ។

វាជាស្ពានកញ្ចក់វែងជាងគេនៅលើពិភពលោក ហើយត្រូវបានរចនាឡើងដើម្បីឱ្យ “យោលយោគបន្តិចបន្តួច” នៅពេលភ្ញៀវទេសចរដើរពីលើវា។ នេះបើយោងតាមរបាយការណ៍លើប្រព័ន្ធផ្សព្វផ្សាយរបស់ចិន។

អ្នកនាំពាក្យម្នាក់នៅតំបន់ទេសភាពនេះបានប្រាប់កាសែត MailOnline ថា ស្ពាននេះមាន “សុវត្ថិភាពណាស់” ដោយបានបន្ថែមថា មានមនុស្សកាន់តែច្រើនកំពុងមកកម្សាន្ត ដោយហេតុថាអាកាសធាតុកំពុងចាប់ផ្តើមកក់ក្តៅបន្តិចវិញហើយនោះ។

អ្នកនាំពាក្យរូបនេះបាននិយាយថា ស្ពាននេះអាចទ្រមនុស្សបានរហូតដល់ ១ ០០០ នាក់ក្នុងមួយជើង ដោយគ្មានបញ្ហាអ្វីឡើយ។