ថៃ លែងឲ្យភ្ញៀវទេសចរអុជទៀនធូបនៅទីសក្ការៈ ក្រោមហេតុផលគួរឲ្យសរសើរមួយ (វីដេអូ)

2018-03-25 03:43:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសថៃ បានចេញសេចក្តីប្រកាសមួយលែងអនុញ្ញាតឲ្យភ្ញៀវទេសចរអុជទៀន ធូបនៅទីសក្ការៈក្នុងទីក្រុងបាងកកទៀតហើយ។

យោងតាមកាសែតមួយឲ្យដឹងថា អាជ្ញាធរថៃបានដាក់ស្លាកហាមប្រាមមិនឲ្យអុជទៀនធូបនៅជុំវិញទីសក្ការៈដ៏ល្បីមួយក្នុងទីក្រុងបាងកកឈ្មោះ Erawan។ ស្លាកសញ្ញាទាំងនោះសរសេរថា "សូមកុំអុជទៀន និងធូប ព្រោះផ្សែងរបស់វាអាចបង្កគ្រោះថ្នាក់ដល់សុខភាព។”

ជាមួយគ្នាផងដែរ ការបង្ហោះក្នុង Facebook មួយឲ្យដឹងថា ការហាមប្រាមនេះ ធ្វើឡើងចាប់ពីថ្ងៃទី ៧ ខែមិនា មកម្ល៉េះ។ ថ្វីបើជាមានការហាមប្រាមមិនឲ្យដុតទៀនធូបក៏ដោយ ភ្ញៀវទេសចរនៅតែយកវាទៅគោរពបូជាដដែល គ្រាន់តែមិនបានអុជនោះទេ។ នេះជាទង្វើដ៏គួរឲ្យសរសើរមួយរបស់អាជ្ញាធរថៃ ដែលគិតគូរពីសុខភាពរបស់ប្រជាជន និងភ្ញៀវទេសចរ។

ទោះបីជាអ្នកលេងអ៊ីនធឺណិតភាគច្រើន ឯកភាពចំពោះការហាមប្រាមនេះក៏ដោយ ក៏នៅមានមនុស្សមួយចំនួនមិនយល់ស្របនោះទេដោយអ្នកខ្លះលើកឡើងថា អ្នកលក់ទៀនធូបប្រហែលជាអាចរកលុយបានច្រើន ព្រោះពួកគេមិនចាំបាច់ទិញថ្មីនោះទេ៕