ថៃ ប្រកាសក្តែងៗ កុំឲ្យនារីៗស្លៀកសិចស៊ីពេក ក្នុងថ្ងៃចូលឆ្នាំ

2018-03-22 08:31:23
ចំនួនមតិ 0 | ចំនួនចែករំលែក 0

ចន្លោះមិនឃើញ

អាជ្ញាធរមូលដ្ឋាននៅថៃ បានណែនាំពលរដ្ឋរបស់ខ្លួន ជាពិសេសស្រីៗ ឲ្យជៀសវាងការស្លៀកពាក់សិចស៊ីជ្រុល ដើម្បីកុំឲ្យមានករណីបៀតបៀនផ្លូវភេទកើតឡើង អំឡុងពិធីបុណ្យចូលឆ្នាំថ្មី ប្រពៃណីថៃ នាពេលខាងមុខ។

លោក Sutthipong Chulcharoen ប្រធាននាយកដ្ឋានកិច្ចការមូលដ្ឋាន បានថ្លែងថា អាជ្ញាធរតាមមូលដ្ឋាន នឹងរៀបចំតំបន់គ្មានជាតិអាកុល និងបើកយុទ្ធនាការ ដើម្បីឲ្យអ្នកទេសចរ ជាពិសេសស្រិៗ ស្លៀកពាក់ឲ្យបានត្រឹមត្រូវ បើមិនដូច្នេះទេ ពួកគេអាចក្លាយជាជនរងគ្រោះពីការបៀតបៀនផ្លូវភេទ។

ការរៀបចំយុទ្ធនាការនេះ គឺដោយសារកាលពីឆ្នាំកន្លងទៅ មានស្រ្ដីជាង ៣០នាក់ បានទទួលរងការបៀតបៀនផ្លូវភេទ អំឡុងពេលអបអរពិធីបុណ្យចូលឆ្នាំថ្មី នៅប្រទេសថៃ។

សូមបញ្ជាក់ថា ប្រជាជនថៃ នឹងបានឈប់សម្រាកចំនួន ៥ថ្ងៃ ក្នុងឱកាសពិធីបុណ្យចូលឆ្នាំថ្មី ប្រពៃណីថៃ គឺចាប់ពីថ្ងៃទី១២ ដល់ទី ១៦ ខែមេសា៕

ចុចអាន៖

ប្រភព៖ Kley Kley ប្រែសម្រួល៖ អឹុម ម៉េងស៊ាង