អ្នកបើកតាក់ស៊ីស្រី រើសបានលុយជាង៣ពាន់ដុល្លារ យកឲ្យម្ចាស់គេវិញ ទទួលរង្វាន់គាប់ចិត្ត

2018-03-20 07:02:16
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះ អ្នកបើកបរតាក់ស៊ីស្រីនៅទីក្រុង Pattaya ម្នាក់ បានប្រគល់កាបូបមួយដែលមានលុយ ៣ ១០០ ដុល្លារ ជាមួយនឹង លិខិតឆ្លងដែន , សំបុត្រយន្តហោះមួយសន្លឹក និង ទូរសព្ទដៃ ២ គ្រឿង ទៅឲ្យអ្នកទេសចរជនជាតិអារ៉ាប់ម្នាក់វិញ។

អ្នកបើកបរតាក់ស៊ីឈ្មោះ Netnapa Boonmema អាយុ ៥៤ ឆ្នាំ បាននិយាយថា អ្នកស្រីបានដឹកភ្ញៀវទេសចរ ២ នាក់ពីសណ្ឋាគារមួយក្នុងទីក្រុង Pattaya។ ដោយសារតែពួកគេចង់ទៅព្រលានយន្តហោះ Suvarnabhumi អ្នកស្រីក៏បានឲ្យពួកគេជិះតាក់ស៊ីផ្សេងទៀត (ជាមិត្តភ័ក្ដិអ្នកស្រី) ព្រោះខ្លួនមិនសូវស្គាល់ផ្លូវទៅទីក្រុងបាងកកច្បាស់។

យ៉ាងណាមិញ នៅពេលភ្ញៀវទេសចរកំពុងផ្លាស់ប្ដូរតាក់ស៊ីថ្មី ពួកគេក៏បានភ្លេចកាបូបមួយនៅកៅអីខាងក្រោយ។ ក្រោយមកអ្នកស្រី Netnapa បានទូរសព្ទប្រាប់អ្នករត់តាក់ស៊ីដែលត្រូវជាមិត្តភ័ក្ដិ រួចយកឥវ៉ាន់រើសបានទៅស្ថានីយប៉ូលីសក្រុង Pattaya តែម្ដង។

កាបូបនោះជាកម្មសិទ្ធិរបស់បុរសវ័យ ២៥ ឆ្នាំ ឈ្មោះ Al-sahuaibi Mohammed Sulaiman មកពីទីក្រុងឌូបៃ។ បុរសរូបនោះសប្បាយរីករាយយ៉ាងខ្លាំង រួចបានឱបអ្នកស្រី Netnapa និងប្រគល់សគុណចំនួន ៣០០ ដុល្លារ៕

ចុចអាន៖

ប្រភព៖ Coconut ប្រែសម្រួល៖ សេង ឡុង