របៀបបិទផ្សាយពាណិជ្ជកម្ម Facebook កុំឱ្យចូលលួចទិន្នន័យអ្នក!

2018-03-25 03:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងអាស្រូវចុងក្រោយបំផុតរបស់ក្រុមហ៊ុន Facebook បានបណ្តាលឱ្យអ្នកប្រើប្រាស់ជាច្រើនឆ្ងល់ថាតើពួកគេគួរលុបចោលគណនីរបស់ពួកគេដើម្បីការពារទិន្នន័យឯកជនរបស់ខ្លួនឬយ៉ាងណា។ ប៉ុន្តែនេះប្រហែលជាមិនទាន់គ្រប់គ្រាន់ទេដើម្បីទប់កុំឱ្យ Facebook អ្នកផ្សាយ ពាណិជ្ជកម្មរបស់ Facebook និងអ្វីដែលគេហៅថា “កម្មវិធីទូរស័ព្ទបិសាចជញ្ជក់ឈាម” តាមដានលោកអ្នកនៅលើវេបសាយនោះ។

កម្មវិធីបិសាចជញ្ជក់ឈាមទាំងនោះរួមមានដូចជា Amazon, Buzzfeed, Expedia, Etsy និង Tinder។ Facebook បានប្រើប្រាស់កូដសម្ងាត់ជាច្រើន រួមមាន Tag, Pixel និង Cookie ដើម្បីប្រមូលព័ត៌មាន និងបង្កើតប្រវត្តិរូបឌីជីថលរបស់លោកអ្នក សូម្បីលោកអ្នកពុំមានគណនី Facebook ក៏ដោយ។

រូបតំណាង

****របៀបទប់ស្កាត់កុំឱ្យបណ្ដាញផ្សាយពាណិជ្ជកម្មរបស់ Facebook តាមដានអ្នក៖***

#១. សម្រាប់ iOS

ប្រសិនបើលោកអ្នកមានទូរស័ព្ទ iPhone និង iPad គឺងាយស្រួលណាស់។ ចូលទៅកាន់ Settings ចុចលើពាក្យ Privacy បន្ទាប់មកអូសចុះក្រោមចុចលើពាក្យ Advertising។ ពេលចុចរួច អូសលើប៊ូតុង “Limit Ad Tracking” ឱ្យចេញពណ៌បៃតង ជាការស្រេច។

Limit Ad Tracking

#២. សម្រាប់ Andriod

ដំណើរការរបស់វាស្រដៀងនឹង iOS ដែរទេ។ បើក Settings រួចចូលទៅ Accounts and Sync ហើយជ្រើសរើសយក Google បន្ទាប់មកយកពាក្យ Ads ហើយចុងក្រោយ គឺចុចលើពាក្យ “Opt Out of Interest Based Ads” ជាការស្រេច។

#៣. សម្រាប់ Browser Settings

ប្រសិនបើលោកអ្នកកំពុងប្រើប្រាស់អ៊ីនធឺណេតលើ Google Chrome សូមចូលទៅ Settings នៅស្តាំដៃ (ក្រោម Menu)។ រួចហើយចុចលើពាក្យ Advanced បន្ទាប់មកចូលទៅមើលក្នុង Privacy នៅខាងក្រោម។ បន្ទាប់មកទៀតចុចលើ “Send a do not track request with your browsing traffic” រួចហើយវានឹងលោតផ្ទាំង Do Not Track ហើយចុចពាក្យ Confirm ជាការស្រេច។

#៤. សម្រាប់កម្មវិធី Facebook លើទូរស័ព្ទដៃ

ចូលទៅ Settings រួចចុចពីលើពាក្យ Ads នៅខាងឆ្វេងដៃនៃ Menu លើស្គ្រីន។ នៅក្រោម Ad Settings នោះ សូមចុចលើពាក្យ “Ads on apps and websites off of the Facebook Companies”។ រួចហើយអូសចុះក្រោម ចុចយកពាក្យ “No”៕

រំឮកដែរថា Facebook ក៏អនុញ្ញាតឱ្យកម្មវិធីបិសាចជញ្ជក់ឈាមភាគីទី៣រាប់ពាន់កម្មវិធី ដើម្បីភ្ជាប់ទៅនឹងបណ្តាញសង្គមរបស់ខ្លួន ហើយលួចយកទិន្នន័យចេញពីអ្នកប្រើប្រាស់របស់ខ្លួន។

ជាការឆ្លើយតប មនុស្សជាច្រើនបានជ្រើសរើសចូលទៅលុបចោលសិទ្ធិអនុញ្ញាតពីមុនដែលផ្ដល់ឱ្យដល់ App ទាំងឡាយ ដែលនេះជាដំណើរការមួយស៊ីពេលយូរណាស់។

ទោះយ៉ាងណា គេមិនច្បាស់ថាតើការលុបចោលនេះនឹងអនុញ្ញាតឱ្យទាញយកទិន្នន័យដែលបានចែករំលែករួចទៅកាន់ភាគីទី៣បានមកវិញ ឬយ៉ាងណាទេ។ នេះមានន័យថាកម្មវិធីទី ៣ នៅតែមានទិន្នន័យគ្រប់គ្រាន់ដើម្បីបង្កើតប្រវត្តិរូបឌីជីថលរបស់អ្នក ទោះបីជាអ្នកលែងប្រើប្រាស់វាក៏ដោយ

នាយកប្រតិបត្តិ Mark Zuckerberg ទទួលស្គាល់ថា Facebook បានប្រព្រឹត្តកំហុសឆ្គងដែលនាំទៅដល់ការរំលោភសិទ្ធិឯកជនពីសំណាក់ក្រុមហ៊ុន Cambridge Analytica នាំឱ្យមានការចោទប្រកាន់ថា ក្រុមហ៊ុន Facebook មិនបានគ្រប់គ្រងទិន្នន័យរបស់អ្នកប្រើប្រាស់បានត្រឹមត្រូវ៕

ប្រភព៖ rasmeinews.com