ម៉ូតូបំបាំងកាយពិសេស ជិះទៅមុខបានដោយប្រើប្រេងឆាអូលីវ!

2018-03-25 04:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមវេបសាយ We Are Mighty បានឱ្យដឹងថា យោធាអាមេរិកកំពុងត្រៀមបំពាក់ឱ្យកងទ័ពលំដាប់កំពូលបំផុតរបស់ខ្លួន ជាមួយនឹងម៉ូតូបំបាំងកាយ ដែលមានសំឡេងស្ងាត់ខ្លាំងដូច “សន្ទនាគ្នាខ្សឹបៗក្នុងផ្ទះ”។

Silent Hawk

ម៉ូតូទាំង២ម៉ូដែលគឺ Silent Hawk និង Nightmare គឺជាម៉ូតូកូនកាត់ដែលអាចដំណើរការបានដោយថ្មលីចូម រួមទាំងការផ្គត់ផ្គង់ថាមពលផ្សេងៗទៀតរួមមានប្រេង JP-8 ប្រេងអ៊ីដ្រូកាបូន និងប្រេងឆាអូលីវ។ **ពិតណាស់ គឺ ប្រេងឆាអូលីវ។ ម៉ាស៊ីនប្រេងឥន្ធនៈចម្រុះនេះអាចចាក់ប្រេងគ្រប់ប្រភេទទាំងអស់ឱ្យតែអាចដុតចំហេះបាន។**

លោក អាឡិច ដ្វីល (Alex Dzwill) វិស្វករនៃម៉ូតូ Silent Hawk បានប្រាប់ទៅវេបសាយ Defense One កាលពីខែឧសភាឆ្នាំ ២០១៦ ថា “ប្រសិនបើវាជាប្រេងសាំង ប្រាប់វាទៅថាវាជាប្រេងសាំង ហើយប្រាប់វាទៅថា វាជាអ្វីផ្សេងទៀត។ វានឹងពិនិត្យមើលដោយខ្លួនវាថាត្រូវធ្វើយ៉ាងណា”។

នៅពេលសួរថាតើម៉ាស៊ីនវាអាចដំណើរការដោយប្រើជាតិខ្លាញ់ដូចជា ប្រេងឆាអូលីវបានឬអត់ វិស្វកររូបនេះឆ្លើយថា “តាមទ្រឹស្តី គឺពិតជាបាន”។

ជាពិសេស ទីភ្នាក់ងារគម្រោងស្រាវជ្រាវកម្រិតខ្ពស់របស់ក្រសួងការពារជាតិ (DARPA) កំពុងថ្លឹងថ្លែងថាតើត្រូវប្រើប្រាស់ម៉ូតូ២ប្រភេទដ៏មានសក្តានុពលរបស់ខ្លួនសម្រាប់ប្រតិបត្តិការពិសេសឬយ៉ាងណា។៕