មូលហេតុខ្សែសាក iPhone ឆាប់ដាច់រហែក ជាងខ្សែសាកដទៃ

2018-03-26 07:03:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែសាក iPhone ប្រើបានយូរបំផុត វាយឲ្យអស់ទៅ ត្រឹមខ្ទង់ ៦ ខែ ហើយចំពោះអ្នកប្រើដែលថ្នាក់ថ្នមអាចយូរជាងនេះ។ មានមូលហេតុចម្បងមួយដែលធ្វើឲ្យខ្សែសាក iPhone ឆាប់ដាច់រលាត់ បើប្រៀបនឹងខ្សែសាកទូរសព្ទដទៃ។

ដើម្បីផលិតខ្សែសាកឡើង Apple បានប្រើប្រាស់នូវស្រទាប់ការពារដែលស្ដើង និង ទន់ដើម្បីស្រោបលើខ្សែ ដែលផលិតឡើងពីកៅស៊ូ មិនមែនផលិតពីប៉ូលីប្លាស្ទិក (PVC) ដូចខ្សែសាកក្រុមហ៊ុនដទៃនោះទេ។ សម្បកកៅស៊ូនេះស្រាល និងងាយបត់បែនជាងសម្បក PVC។ អ្នកប្រើប្រាស់ភាគច្រើនតែងរុំខ្សែសាកតឹងៗ ដែលធ្វើឲ្យសម្បកកៅស៊ូនេះងាយនឹងរហែកជាទីបំផុត។

លើសពីនេះវាក៏មានទាក់ទងនឹងការឌីហ្សាញរូបរាងផងដែរ។ ខ្សែសាករបស់ iPhone មិនមានតំបន់ Strain Relief ជាតំបន់ដែលអាចឲ្យខ្សែបត់បានសេរី ដោយមិនមានការខូចខាត។ នៅលើខ្សែសាករបស់ស្មាតហ្វូនដទៃ ដូចជា Samsung មានតំបន់ Strain Relief នេះ ដែលអាចឲ្យខ្សែធ្វើចលនាបត់បែនបានតាមចិត្ត។

គេមិនច្បាស់ថាហេតុអ្វីបានជា Apple មិនឌីហ្សាញតំបន់នេះដាក់លើខ្សែសាករបស់ខ្លួននោះទេ។ ប៉ុន្តែធ្លាប់មានការលើកឡើងថា Apple មិនចូលចិត្តនូវការឌីហ្សាញដែលមានតំបន់ Strain Relief បែបនេះ។

មានមតិមួយចំនួនលើកឡើងថាការប្រើប្រាស់តែវត្ថុដែលមិនប៉ះពាល់ដល់បរិស្ថាន ជាមូលហេតុមួយដែលធ្វើឲ្យខ្សែសាករបស់ Apple ងាយរហែក និងដាច់។ គួរដឹងវត្ថុធាតុដូចជាប៉ូលីប្លាស្ទិក (PVC) ជាវត្ថុធាតុមិនអាចចោលផ្ដេសផ្ដាសបាន ដោយសារមានជាតិពុលខ្ពស់៕

--> Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព ៖ Version Daily

ប្រែសម្រួល ៖ សុខហេង