វិធីងាយៗអាចឆែកដឹង iPhone របស់អ្នកនៅជាប់ Warranty ពី Apple ឬក៏អត់

2018-03-26 02:24:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងទីផ្សារសហរដ្ឋអាមេរិក រាល់ការទិញ iPhone ពី Apple Store អតិថិជននឹងទទួលបានប័ណ្ណធានា (Warranty) រយៈពេល ១ ឆ្នាំលើការជួសជុលផ្នែក Hardware ឬអាចចំណាយលុយបន្ថែមទិញកញ្ចប់សេវាជួសជុល AppleCare+។ ថ្វីបើមិនជាចាំបាច់សម្រាប់អ្នកប្រើនៅទីផ្សារកម្ពុជា ប៉ុន្តែក៏រាប់ចូលជាចំណេះដឹងថ្មីមួយដល់ម្ចាស់ iPhone គ្រប់រូប។

ចូលទៅកាន់គេហទំព័រ checkcoverage.apple.com
វាយបញ្ចូលលេខ Serial Number ឧបករណ៍។ ចូល Settings > General > About
បញ្ចូលកូដឃើញតាមប្រអប់ក្នុងគោលដៅការពារប្រព័ន្ធសុវត្ថិភាព > ចុចយកពាក្យ Continue

+ទិន្នន័យបង្ហាញតាម ៤ ចំណុចផ្សេងគ្នាសម្គាល់តាមសញ្ញាគ្រីសបៃតងនិងពណ៌លឿង:

AppleCare Product សំដៅការទទួលបានសេវាកម្ម AppleCare+ ឬអត់ ជាទូទៅអតិថិជនមានពេលត្រឹម ៦០ ថ្ងៃក្រោយទិញផលិតផល ដើម្បីធ្វើការសម្រេចចិត្ត។
Valid Purchase Date សំដៅកាលបរិច្ឆេទឧបករណ៍របស់អ្នក មានជាប់ក្នុងបញ្ជីក្រុមហ៊ុន Apple ឬអត់ ករណីមានរឿងងាយស្រួលសម្រាប់បុគ្គលិកបម្រើការនៅក្រុមហ៊ុន អាចស្វែងរកព័ត៌មានទាក់ទងនឹង iPhone របស់អ្នកបានឆាប់រហ័ស។
Telephone Technical Support ជាទូទៅ Apple បើកឲ្យមានសេវាកម្មបម្រើអតិថិជន តាមរយៈក្រុមការងារបច្ចេកទេសដល់ទៅ ៩០ ថ្ងៃ ហើយចម្លើយនឹងបង្ហាញអ្នកតាមសញ្ញាពណ៌បៃតងឬលឿង។
Repairs and Service Coverage សំដៅថាតើ iPhone របស់អ្នកនៅជាប់សេវាធានាឬ Warrenty ពីក្រុមហ៊ុន Apple ឬអត់។

រំឭកដែរថាការធានាពីក្រុមហ៊ុន Apple ទាក់ទងនឹងផ្នែក Hardware ពុំបានរាប់បញ្ចូលការធ្លាក់បែកអេក្រង់និងករណីចូលទឹកនោះឡើយ លុះត្រាអតិថិជនទិញកញ្ចប់ AppleCare+ ពីក្រុមហ៊ុន ទើបទទួលបានការបញ្ចុះតម្លៃពិសេសលើសេវាជួសជុលទាំងឡាយ។