ស្នៀតមួយសាហាវ អ្នកគួកជេរតែងតែទិញឡានបានថោក ទុកលក់ចំណេញបានខ្ពស់

2018-03-27 03:22:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរបររកស៊ីតែងតែមានយុទ្ធវិធី ដើម្បីទាក់ទាញអតិថិជននិងរកចំណូលបានច្រើនតាមដែលអាចធ្វើបាន។ ទាក់ទងរបរគួកជេរឡានវិញ មានស្នៀតមួយដែលអ្នកគួកជេឡានលួចបង្ហើបជាល្បិចទិញឡានបានថោក អាចទុកលក់បានចំណេញខ្ពស់។

លោក រិទ្ធី ជាអ្នកគួកជេរឡាន និងមានបទពិសោធន៍មើលឡានមួយទឹករាប់មិនអស់ បានចែករំលែកបទពិសោធន៍មួយ ដែលអ្នកគួកជេរឡានតែងប្រើប្រាស់ ដើម្បីទិញឡានបានតម្លៃទាប។

លោកបង្ហើបថា អ្នកគួកជេរមានល្បិចមួយគឺការមកទិញបណ្តាក់គ្នា ម្នាក់តថ្លៃ ម្នាក់ឲ្យតម្លៃថោក រួច ៤-៥ នាក់ទៀត មកចរចាឲ្យតម្លៃដូចៗគ្នា។ ពេលនោះបើម្ចាស់ឡានលង់ទន់ចិត្ត ប្រាកដជាព្រមលក់ចេញ បើទោះបីដឹងថាខាតច្រើនក៏ដោយ។ នេះជាល្បិចមួយ ព្រោះមុនពេលមកទិញ អ្នកទាំងនោះបានប្រាប់គ្នារួចជាស្រេចទៅហើយ។

លោកថា ស្នៀតនេះ ទោះបីអ្នកខ្លះដឹងតែនៅតែមានអ្នកចាញ់កលជាហូរហែ។

លោកប្រាប់ថា បើយល់ល្អ ម្ចាស់ឡានគួរលក់ឲ្យអ្នកប្រើប្រាស់ដូចគ្នាបើមិនចង់ខាតច្រើន ឬរកអ្នកគួកជេរដោយឲ្យលុយទឹកតែបន្តិចបន្តួច។

ចំណែកលោក ហេងថាត់ ជាអ្នកគួកជេរឡានមួយរូបដែរក៏ប្រាប់ដូចគ្នានេះដែរថា ជាទូទៅអ្នកគួកជេរឡានមួយគ្រឿង ចំណេញបានពី ២០០ ដុល្លារ ទៅ ៥០០ ដុល្លារ ឬច្រើនជាងនេះ ទៅតាមគុណភាពនិងស៊េរីឡានពេញនិយម។

"អ្នកគួកជេរតែងមានល្បិចអីចឹងហើយ។ នាំគ្នាទៅសួរទិញហើយឲ្យតម្លៃទាប ដើម្បីទុកលក់ចេញបានចំណេញច្រើន"។

លោកថា មុនពេលលក់ចេញម្ចាស់ឡានគួរដើរជ្រែទីផ្សារឲ្យបានច្បាស់ ជៀសវាងគេធ្វើស៊ីបាន។

ចុះប្រិយមិត្តវិញ ធ្លាប់ជួបប្រទះរឿងបែបនេះទេ? បើបានជួបជួយប្រាប់ Sabay ផង។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អត្ថបទបន្ត៖

អត្ថបទ៖ ម៉េងងី